سُورَةُ الشمس

Sura Ash-Shams

Sura 91 · 15 aya · Ya Makka · Juzuu 30 · Msahafu Ukurasa 595 · Hizb 60

Sikiliza sura nzima

Msomaji: Mishary Rashid Alafasy

Msomaji Rudia

Neno kwa neno Onyesha maana chini ya kila neno Onyesha matamshi chini ya kila neno Maana za maneno kwa

91:1
۝١
Naapa kwa jua na mwangaza wake! [1]

Tanbihi
[1] Naapa kwa jua na mwangaza wake na kuchomoza kwake na kwa joto lake!
91:2
۝٢
Na kwa mwezi unapo lifuatia! [2]

Tanbihi
[2] Na kwa mwezi unapo lifuata na likawa nyuma yake kwa kutoa mwangaza baada ya kuchwa jua,
91:3
۝٣
Na kwa mchana unapo lidhihirisha! [3]

Tanbihi
[3] Na kwa mchana unapo lidhihirisha jua, likaonekana wazi halikufichikana.
91:4
۝٤
Na kwa usiku unapo lifunika! [4]

Tanbihi
[4] Na kwa usiku unapo lifunika jua, ukawa mwangaza wake hauonekani.
91:5
۝٥
Na kwa mbingu na kwa aliye ijenga! [5]

Tanbihi
[5] Na kwa mbingu na kwa Mweza Mtukufu aliye inyanyua na akaijenga kwa hikima yake.
91:6
۝٦
Na kwa ardhi na kwa aliye itandaza! [6]

Tanbihi
[6] Na kwa ardhi na kwa Mweza Mtukufu aliye ikunjua kwa kila upande, na akaitengeneza kwa ajili ya utulivu, na akaifanya kama tandiko.
91:7
۝٧
Na kwa nafsi na kwa aliye itengeneza! [7]

Tanbihi
[7] Na kwa nafsi, na aliye iumba na akaiweka sawa, kwa kuipa nguvu,
91:8
۝٨
Kisha akaifahamisha uovu wake na wema wake! [8]

Tanbihi
[8] Akaifunza jema na baya, na akaipa uweza wa kutenda itakayo katika hayo,
91:9
۝٩
Hakika amefanikiwa aliye itakasa! [9]

Tanbihi
[9] Hakika amefuzu mwenye kuisafisha nafsi yake kwa ut'iifu na vitendo vya kheri.
91:10
۝١٠
Na hakika amekhasiri aliye iviza. [10]

Tanbihi
[10] Na hakika amekhasiri mwenye kuzificha fadhila zake, na akayaua matayarisho aliyo umbwa nayo ya kutenda kheri.
91:11
۝١١
Kina Thamudi walikadhibisha kwa sababu ya upotofu wao, [11]

Tanbihi
[11] Kina Thamudi walimkanusha Nabii wao kwa upotovu wao na jeuri zao,
91:12
۝١٢
Alipo simama mwovu wao mkubwa, [12]

Tanbihi
[12] Alipo gutuka mwovu wao mkubwa kabisa kutaka kumchinja ngamia.
91:13
۝١٣
Hapo Mtume wa Mwenyezi Mungu alipo waambia: Huyu ni ngamia wa Mwenyezi Mungu, mwacheni anywe maji fungu lake. [13]

Tanbihi
[13] Saleh, Mtume wa Mwenyezi Mungu, akawaambia: Mwachilieni huyu ngamia wa Mwenyezi Mungu ale maridhawa katika ardhi ya Mwenyezi Mungu, na tahadharini msimzuie maji katika siku yake aliyo wekewa.
91:14
۝١٤
Lakini walimkadhibisha na wakamchinja ngamia, kwa hivyo Mola wao Mlezi aliwaangamiza kwa sababu ya dhambi zao na akawafuta kabisa. [14]

Tanbihi
[14] Wakamkadhibisha Mtume wao katika hilo onyo lake, wakamchinja. Mola wao Mlezi akazibomoa nyumba zao kwa sababu ya dhambi zao; akazisawazisha na ardhi!
91:15
۝١٥
Wala Yeye haogopi matokeo yake. [15]

Tanbihi
[15] Wala Yeye Mwenyezi Mungu hakhofu matokeo ya adhabu hiyo, kwani hiyo ni malipo ya haki kwa yale waliyo yatenda.

Tafsiri: Ali Mohsin Al-Barwani (Ali Mohsin Al-Barwani) — Chanzo: QuranEnc.com · v1.0.1 · Translated by Ali Mohsen Al-Barwani

Soma kwa lugha nyingine

English العربية বাংলা اردو Bahasa Indonesia Türkçe Français Bahasa Melayu فارسی Nederlands Hausa Русский 中文 Shqip ไทย