سُورَةُ البلد

Sura Al-Balad

Sura 90 · 20 aya · Ya Makka · Juzuu 30 · Msahafu Ukurasa 594 · Hizb 60

Sikiliza sura nzima

Msomaji: Mishary Rashid Alafasy

Msomaji Rudia

Neno kwa neno Onyesha maana chini ya kila neno Onyesha matamshi chini ya kila neno Maana za maneno kwa

90:1
۝١
Naapa kwa Mji huu! [1]

Tanbihi
[1] Naapa kiapo cha mkazo kwa mji wa Makka, mji mtakatifu;
90:2
۝٢
Nawe unaukaa Mji huu. [2]

Tanbihi
[2] Na wewe unaishi katika mji huu, unauzidisha utukufu wake na cheo chake.
90:3
۝٣
Na naapa kwa mzazi na alicho kizaa. [3]

Tanbihi
[3] Na naapa kwa mzazi na anacho kizaa, na kwa hao wawili ndio jinsi inahifadhika na maendeleo yanabakia.
90:4
۝٤
Hakika tumemuumba mtu katika taabu. [4]

Tanbihi
[4] Hakika Sisi tumemuumba mtu katika mashaka na taabu tangu mwanzo wake mpaka kumalizika mambo yake.
90:5
۝٥
Ati anadhani hapana yeyote ataye muweza? [5]

Tanbihi
[5] Je! Anadhani mtu aliye umbwa katika mashaka haya kuwa hapana awezae kumdhalilisha?
90:6
۝٦
Anasema: Nimeteketeza chungu ya mali. [6]

Tanbihi
[6] Anasema: Nimetumia katika kupambana na Muhammad s.a.w. na kuupinga wito wake mali mengi ukiyakusanya pamoja.
90:7
۝٧
Ati anadhani ya kuwa hapana yeyote anaye mwona? [7]

Tanbihi
[7] Ati anadhani kwamba mambo yake hayo yamefichikana, hayajui yeyote hata huyo aliye muumba?
90:8
۝٨
Kwani hatukumpa macho mawili? [8]

Tanbihi
[8] Kwani Sisi hatukumuumba na macho mawili ya kutazamia,?
90:9
۝٩
Na ulimi, na midomo miwili? [9]

Tanbihi
[9] Na ulimi na midomo miwili ili aweze kutamka na kusema sawa?
90:10
۝١٠
Na tukambainishia zote njia mbili? [10]

Tanbihi
[10] Na tukamwonyesha njia ya kheri na ya shari, na tukamtengenezea aweze kuchagua mojawapo?
90:11
۝١١
Lakini hakujitoma kwenye njia ya vikwazo vya milimani. [11]

Tanbihi
[11] Basi huyo hakunafiika kwa tuliyo mtengenezea, wala hakuivuka njia ya milimani inayo mzuia asifikie uwokovu, nayo ni choyo wa nafsi yake.
90:12
۝١٢
Na nini kitakujuvya ni nini njia ya vikwazo vya milimani? [12]

Tanbihi
[12] Na kitu gani kitakufunza nini huko kujitoma kwenye njia ya milimani?
90:13
۝١٣
Kumkomboa mtumwa; [13]

Tanbihi
[13] Kumkomboa mtu kutokana na utumwa,
90:14
۝١٤
Au kumlisha siku ya njaa [14]

Tanbihi
[14] Au kumlisha siku ya njaa
90:15
۝١٥
Yatima aliye jamaa, [15]

Tanbihi
[15] Yatima aliye jamaa wa kumliwaza kwa ujamaa na ufakiri.
90:16
۝١٦
Au masikini aliye vumbini. [16]

Tanbihi
[16] Au masikini mwingi wa haja na kufakirika.
90:17
۝١٧
Tena awe miongoni mwa walio amini na wakausiana kusubiri na wakausiana kuhurumiana. [17]

Tanbihi
[17] Tena awe pamoja na hayo miongoni mwa wenye Imani wanao usiana na wenzao kwa subira na kuoneana huruma.
90:18
۝١٨
Hao ndio watu wa kheri wa kuliani. [18]

Tanbihi
[18] Hao wanao sifika kwa sifa hizi, ndio watu wa kheri, wa mkono wa kulia.
90:19
۝١٩
Lakini walio zikataa Ishara zetu, hao ndio watu wa shari wa kushotoni. [19]

Tanbihi
[19] Na walio zikataa dalili tulizo zisimamisha kuthibitisha Haki kutoka na Kitabu na hoja zake, hao ndio wapotovu watu waovu walio kosa kheri na watapata adhabu.
90:20
۝٢٠
Juu yao utakuwa Moto ulio fungiwa kila upande. [20]

Tanbihi
[20] Juu yao utakuwa Moto ulio bebeana na milango yake ikafungwa.

Tafsiri: Ali Mohsin Al-Barwani (Ali Mohsin Al-Barwani) — Chanzo: QuranEnc.com · v1.0.1 · Translated by Ali Mohsen Al-Barwani

Soma kwa lugha nyingine

English العربية বাংলা اردو Bahasa Indonesia Türkçe Français Bahasa Melayu فارسی Nederlands Hausa Русский 中文 Shqip ไทย