سُورَةُ المطففين

Sura Al-Mutaffifin

Sura 83 · 36 aya · Ya Makka · Juzuu 30 · Msahafu Ukurasa 587–589 · Hizb 59

Sikiliza sura nzima

Msomaji: Mishary Rashid Alafasy

Msomaji Rudia

Neno kwa neno Onyesha maana chini ya kila neno Onyesha matamshi chini ya kila neno Maana za maneno kwa

83:1
۝١
Ole wao hao wapunjao! [1]

Tanbihi
[1] Wataangamia wanao punja,
83:2
۝٢
Ambao wanapo jipimia kwa watu hudai watimiziwe. [2]

Tanbihi
[2] Ambao wakijipimia wenyewe kwa watu hujitwalia ya kutosha na kuzidi,
83:3
۝٣
Na wao wanapo wapimia watu kwa kipimo au mizani hupunguza. [3]

Tanbihi
[3] Na wakiwapimia watu kwa vipimo au mizani huwapunguzia haki yao wanayo stahiki, kwa dhulma!
83:4
۝٤
Kwani hawadhani hao kwamba watafufuliwa . [4]

Tanbihi
[4] Hivyo haiwapitikii katika akili zao hawa wanao punja wenzao kwamba watakuja fufuliwa,
83:5
۝٥
Katika Siku iliyo kuu! [5]

Tanbihi
[5] Katika siku ya vitisho vikuu?
83:6
۝٦
Siku watapo msimamia watu Mola Mlezi wa walimwengu wote? [6]

Tanbihi
[6] Siku watapo simama watu kwa amri ya Mola Mlezi wa walimwengu wote na hukumu yake?
Ukurasa 588
83:7
۝٧
Hasha! Hakika maandiko ya wakosefu bila ya shaka yamo katika Sijjin. [7]

Tanbihi
[7] Wacheni kupunja, na kughafilika na kufufuliwa! Kwani hakika waliyo andikiwa wakosefu katika a'mali zao mbovu, bila ya shaka yamo katika Sijjin.
83:8
۝٨
Unajua nini Sijjin? [8]

Tanbihi
[8] Na nini kitakujuvya nini hiyo Sijjin?
83:9
۝٩
Kitabu kilicho andikwa. [9]

Tanbihi
[9] Hicho ni Kitabu kilicho pigwa mistari baina ya maandishi yake.
83:10
۝١٠
Ole wao siku hiyo kwa wanao kadhibisha! [10]

Tanbihi
[10] Wataangamia wanao kadhibisha siku itapo kuwa kufufuliwa na kuhisabiwa.
83:11
۝١١
Ambao wanaikadhibisha Siku ya Malipo. [11]

Tanbihi
[11] Ambao wanaikanusha Siku ya Malipo.
83:12
۝١٢
Wala haikadhibishi ila kila mwenye kuruka mipaka, mwenye dhambi. [12]

Tanbihi
[12] Na wala haikanushi Siku ya Malipo ila kila mwenye kupindukia mipaka mwingi wa madhambi.
83:13
۝١٣
Anapo somewa Aya zetu husema: Ni visa vya watu wa kale! [13]

Tanbihi
[13] Na akisomewa Aya za Mwenyezi Mungu zenye kutaja kuwepo malipo husema: Huo ni uwongo wa walio tangulia!
83:14
۝١٤
Hasha! Bali yametia kutu juu ya nyoyo zao hao walio kuwa wakiyachuma. [14]

Tanbihi
[14] Ewe uliye kiuka mipaka! Wacha kauli hiyo potovu. Bali nyoyo za wenye kupindukia mipaka imegubikwa na ukafiri na maasi waliyo yatenda.
83:15
۝١٥
Hasha! Hakika hao siku hiyo bila ya shaka watazuiliwa na neema za Mola wao Mlezi. [15]

Tanbihi
[15] Hakika ni kweli kuwa hao wanao kadhibisha watazuiliwa siku hiyo rehema ya Mwenyezi Mungu kwa sababu ya maasi waliyo yachuma.
83:16
۝١٦
Kisha wataingia Motoni! [16]

Tanbihi
[16] Kisha hakika hao bila ya shaka wataingia Motoni.
83:17
۝١٧
Kisha waambiwe: Haya ndiyo mliyo kuwa mkiyakadhabisha. [17]

Tanbihi
[17] Kisha wataambiwa kwa kuwakebehi: Hii basi ndiyo adhabu inayo kuteremkieni ambayo mlikuwa mkiikanusha duniani!
83:18
۝١٨
Hasha! Hakika maandiko ya watu wema bila ya shaka yamo katika I'liyyin. [18]

Tanbihi
[18] Ni hakika kuwa vitendo vya watu wema bila ya shaka vimeandikwa katika I'liyyin.
83:19
۝١٩
Na nini kitakacho kujuvya nini I'liyyin? [19]

Tanbihi
[19] Na nini cha kukujuvya nini I'liyyin?
83:20
۝٢٠
Kitabu kilicho andikwa. [20]

Tanbihi
[20] Hicho ni Kitabu kilicho andikwa wazi maandishi yake,
83:21
۝٢١
Wanakishuhudia walio karibishwa. [21]

Tanbihi
[21] Wanakihudhurisha na kukihifadhi Malaika walio kurubishwa.
83:22
۝٢٢
Hakika watu wema bila ya shaka watakuwa katika neema. [22]

Tanbihi
[22] Hakika watu wema bila ya shaka watakuwa katika neema za Peponi,
83:23
۝٢٣
Wakae juu ya viti vya enzi wakiangalia. [23]

Tanbihi
[23] Juu ya viti vya enzi, wakiziangalia neema na ukarimu alio wakirimu Mwenyezi Mungu.
83:24
۝٢٤
Utatambua katika nyuso zao mng'aro wa neema, [24]

Tanbihi
[24] Utaona katika nyuso zao uchangamfu na mng'aro wa neema.
83:25
۝٢٥
Watanyweshwa kinywaji safi kiliyo tiwa muhuri, [25]

Tanbihi
[25] Wakinyweshwa kinywaji safi kilicho hifadhiwa;
83:26
۝٢٦
Muhuri wake ni miski. Na katika hayo washindanie wenye kushindana. [26]

Tanbihi
[26] Kuhifadhiwa huko hakukuzidisha ila uzuri wake. Na kupata neema hizo, basi, na washindanie wanao shindana.
83:27
۝٢٧
Na mchanganyiko wake ni Tasniim, [27]

Tanbihi
[27] Cha kuchanganyia kinywaji hicho ni maji ya Tasniim ya Peponi,
83:28
۝٢٨
Chemchem watakayo inywa walio kurubishwa. [28]

Tanbihi
[28] Nayo ni chemchem wanao inywa walio kurubishwa si wengineo, katika watu wa Peponi.
83:29
۝٢٩
Kwa hakika wale walio kuwa wakosefu walikuwa wakiwacheka walio amini. [29]

Tanbihi
[29] Wale walio kuwa wakibeba madhambi kuipingia Dini walikuwa wakiwacheka kuwakejeli Waumini duniani.
83:30
۝٣٠
Na wanapo pita karibu yao wakikonyezana. [30]

Tanbihi
[30] Na wakipita Waumini mbele yao basi wao hukonyezana kwa kuwabeza.
83:31
۝٣١
Na wanapo rudi kwa watu wao hurudi nao wamefurahi. [31]

Tanbihi
[31] Na hao wakosefu wakirejea kwa ahali zao hurejea kwa furaha na kuona ladha kwa vile kuwakejeli Waumini.
83:32
۝٣٢
Na wanapo waona husema: Hakika hawa ndio khasa walio potea. [32]

Tanbihi
[32] Na wakiwaona Waumini husema: Ama hakika hawa wamepotea kweli kwa kumuamini Muhammad.
83:33
۝٣٣
Na wao hawakutumwa wawe walinzi juu yao. [33]

Tanbihi
[33] Wala hao wakosefu hawakutumwa wawe wa kuwahukumu Waumini kwa kuwaongoza au kuwapoteza, wala kuwa ni walinzi wa vitendo vyao.
83:34
۝٣٤
Basi leo walio amini ndio watawacheka makafiri, [34]

Tanbihi
[34] Basi Siku ya Malipo walio amini watakuwa ndio wa kuwacheka hao makafiri kwa kuwalipizia kile kicheko chao na kejeli yao ya duniani.
Ukurasa 589
83:35
۝٣٥
Nao wako juu ya viti vya enzi wakiangalia. [35]

Tanbihi
[35] Ilhali wako juu ya vitanda na matakia watakuwa Waumini wakiziangalia neema za Mwenyezi Mungu alizo wapa.
83:36
۝٣٦
Je! makafiri wamelipwa malipo ya yale waliyo kuwa wakiyatenda? [36]

Tanbihi
[36] Je! Makafiri watalipwa huko Akhera kwa waliyo yatenda duniani?

Tafsiri: Ali Mohsin Al-Barwani (Ali Mohsin Al-Barwani) — Chanzo: QuranEnc.com · v1.0.1 · Translated by Ali Mohsen Al-Barwani

Soma kwa lugha nyingine

English العربية বাংলা اردو Bahasa Indonesia Türkçe Français Bahasa Melayu فارسی Nederlands Hausa Русский 中文 Shqip ไทย