Juzuu 27

51:31

۝٣١

AKASEMA: Basi ujumbe wenu ni nini, enyi mlio tumwa? [31]

Tanbihi

[31] Ibrahim akasema: Mna kazi gani tena baada ya khabari hii nzuri, enyi wajumbe?

51:32

۝٣٢

Wakasema: Hakika sisi tumetumwa kwa watu wakosefu, [32]

Tanbihi

[32] Wakasema: Kwa hakika sisi tumetumwa kwa kaumu iliyo pita kiasi katika uasi,

51:33

۝٣٣

Tuwatupie mawe ya udongo, [33]

Tanbihi

[33] Tuwatupie mawe ya udongo, ambayo hapana anaye yajua yalivyo ila Mwenyezi Mungu.

51:34

۝٣٤

Yaliyo tiwa alama kutoka kwa Mola wako Mlezi kwa ajili ya wanao pindukia mipaka. [34]

Tanbihi

[34] Mawe hayo ni makhsusi na maalumu kwa Mola wako Mlezi kwa ajili ya wanao pindukia mipaka katika mambo machafu.

51:35

۝٣٥

Kwa hivyo tutawatoa katika hao wale walio amini. [35]

Tanbihi

[35] Basi tukahukumu tuwatoea kwenye mji huo walio amini.

51:36

۝٣٦

Lakini hatukupata humo ila nyumba moja tu yenye Waislamu! [36]

Tanbihi

[36] Lakini hatukukuta ila nyumba moja tu ndiyo ya Waislamu.

51:37

۝٣٧

Na tukaacha humo Ishara kwa ajili ya wanao iogopa adhabu chungu. [37]

Tanbihi

[37] Na katika mji huo tumeacha alama ya maangamizo ya watu wake, ili wapate kuzingatia wanayo ikhofu adhabu chungu.

51:38

۝٣٨

Na katika khabari za Musa, tulipo mtuma kwa Firauni na hoja wazi. [38]

Tanbihi

[38] Na katika kisa cha Musa yapo mawaidha. Tulipo mtuma kwa Firauni, na tukatilia nguvu kwa kumpa ushahidi ulio wazi.

51:39

۝٣٩

Lakini alipuuza kwa sababu ya nguvu zake na akasema: Huyu ni mchawi au mwendawazimu! [39]

Tanbihi

[39] Firauni akapuuza kumuamini Musa kwa kutegemea ati nguvu zake. Akasema: Huyu ni mchawi au mwendawazimu!

51:40

۝٤٠

Basi tukamkamata yeye na majeshi yake na tukawatupa baharini, na yeye ndiye wa kulaumiwa. [40]

Tanbihi

[40] Tukamchukua yeye na hao anao jitapia kwao, tukawatumbukiza baharini, naye ni mwenye kuyatenda hayo ya ukafiri na inda anayo laumiwa kwayo.

51:41

۝٤١

Na katika khabari za A'di tulipo wapelekea upepo wa kukata uzazi. [41]

Tanbihi

[41] Na katika kisa cha A'di yamo mawaidha pia. Tulipo wapelekea upepo usio kuwa na kheri yoyote.

51:42

۝٤٢

Haukuacha chochote ulicho kifikia ila ulikifanya kama kilio nyambuka. [42]

Tanbihi

[42] Upepo huo haupiti kwa kitu chochote ila hukiacha kama fupa lilio nyambuka.

51:43

۝٤٣

Na katika khabari za Thamudi walipo ambiwa: Jifurahisheni kwa muda mdogo tu. [43]

Tanbihi

[43] Na katika kisa cha Thamudi ipo Ishara. Walipo ambiwa: Stareheni katika majumba yenu kwa muda maalumu.

51:44

۝٤٤

Wakaasi amri ya Mola wao Mlezi. Basi uliwanyakua moto wa radi nao wanaona. [44]

Tanbihi

[44] Na katika kisa cha Thamudi ipo Ishara. Walipo ambiwa: Stareheni katika majumba yenu kwa muda maalumu. Wakajivuna na wakatakabari wasifuate amri ya Mola wao Mlezi. Basi radi ikawaangamiza nao wanaiona kwa macho yao inavyo tokea.

51:45

۝٤٥

Basi hawakuweza kusimama wala hawakuwa wenye kujitetea. [45]

Tanbihi

[45] Basi hawakuweza kuinuka. Wala hawakuweza kujipigania kuijikinga na adhabu.

51:46

۝٤٦

Na kaumu ya Nuhu hapo mbele. Hakika hao walikuwa watu wapotovu. [46]

Tanbihi

[46] Na kaumu ya Nuhu tuliihiliki kabla ya hawa. Hakika hao walikuwa watu walio toka nje ya ut'iifu wa Mwenyezi Mungu.

51:47

۝٤٧

Na mbingu tumezifanya kwa nguvu na uwezo na hakika Sisi bila ya shaka ndio twenye uwezo wa kuzitanua. [47]

Tanbihi

[47] Na mbingu tumeipanga kwa nguvu, na bila ya shaka Sisi ni waweza zaidi ya hayo.

51:48

۝٤٨

Na ardhi tumeitandaza; basi watandazaji wazuri namna gani Sisi! [48]

Tanbihi

[48] Na ardhi tumeikunjua, na Sisi ni wenye kuitengeneza vizuri kama kitanda. Aya hii tukufu inaashiria maana za kitaalamu nyingi; miongoni mwazo ni kwamba Mwenyezi Mungu Subhanahu wa Taa'la ameumba ulimwengu huu mkunjufu kwa nguvu. Na Yeye ni Muweza kwa atakayo. Na maana ya mbingu katika Aya hii ni kila kilicho juu ya kitu na kikakifunika. Basi kila kilicho zunguka sayari na nyota na mkusanyiko wa jua katika sehemu hii inayo onekana ya ulimwengu kimetanda kupita inavyo kadirika na akili, wala haiwezi kupimika. Kwani masafa yao hukisiwa kwa mamilioni ya miaka ya mwangaza. Na mwaka mmoja wa mwangaza kwa ilivyo thibiti kwa ilimu za kisasa katika karne hii ya ishirini ni masafa yanayo kwenda mwangaza kwa mbio za kilomita 300,000 kwa nukta moja ya dakika. Na ibara ya Aya tukufu (Na hakika Sisi ndio twenye kuutanua) inaashiria hayo, yaani kutanda huko kwa ulimwengu kunako staajabisha tangu kuumbwa kwake. Kama vile vile kuwa kukunjuka huko kungali kunaendelea, na hayo sayansi ya sasa imethibitisha vile vile. Na imejuulikana kwa nadhariya ya kutanda ambayo katika mwanzo mwanzo wa karne hii imethibiti kuwa ni kweli kiilimu, na ufupi wake ni kuwa ulimwengu unaendelea kukua na kupanuka, na kila sayari za mbinguni zinajitenga wenyewe kwa wenyewe.

51:49

۝٤٩

Na katika kila kitu tumeumba kwa jozi ili mzingatie. [49]

Tanbihi

[49] Na kila kitu tumekiumba namna mbili, yaani kwa jozi, ili mpate kukumbuka muuamini uwezo wetu.

51:50

۝٥٠

Basi kimbilieni kwa Mwenyezi Mungu, hakika mimi ni mwonyaji kwenu wa kubainisha nitokae kwake. [50]

Tanbihi

[50] Basi fanyeni haraka kuendea kwenye ut'iifu wa Mwenyezi Mungu.

51:51

۝٥١

Wala msifanye kuwa kuna mungu mwengine pamoja na Mwenyezi Mungu. Hakika mimi ni mwonyaji kwenu wa kubainisha nitokae kwake. [51]

Tanbihi

[51] Wala msimfanye mungu mwengine kuwa pamoja na Mwenyezi Mungu. Hakika mimi nimekujieni kwa amri ya Mwenyezi Mungu kukuonyeni kwa uwazi matokeo ya ushirikina.

51:52

۝٥٢

Basi ndio hivyo hivyo, hakuwajia kabla yao Mtume ila walisema: Huyu ni mchawi au mwendawazimu. [52]

Tanbihi

[52] Hivyo ndivyo ilivyo kuwa hali ya mataifa yote kwa Mitume wao. Hakuja Mtume kwa watu wa kabla ya kaumu yako ila walimwita: Mchawi au mwendawazimu.

51:53

۝٥٣

Je! Wameambizana kwa haya? Bali hawa ni watu waasi. [53]

Tanbihi

[53] Je! Mmeusiana, mmeambizana, nyinyi kwa nyinyi kusema hivyo ndio maana mnalirejea hilo kwa hilo? Bali hao ni watu walio pindukia mipaka, ndio wakawafikiana katika kuwashutumu Mitume!

51:54

۝٥٤

Basi waachilie mbali, nawe hulaumiwi. [54]

Tanbihi

[54] Basi wapuuzilie mbali hawa wenye inda! Wewe hulaumiki usipo wajibu kitu.

51:55

۝٥٥

Na kumbusha, kwani ukumbusho huwafaa Waumini. [55]

Tanbihi

[55] Wewe dumisha kukumbusha, kwani ukumbusho huwazidisha Waumini kufumbua macho na kuwa na nguvu za yakini.

51:56

۝٥٦

Nami sikuwaumba majini na watu ila waniabudu Mimi. [56]

Tanbihi

[56] Wala sikuwaumba majini na watu kwa jambo la kuniletea Mimi manufaa, bali ili waniabudu, na kuniabudu Mimi ni manufaa kwao.

51:57

۝٥٧

Na sitaki kwao riziki, wala sitaki wanilishe.Hakika Mwenyezi Mungu ndiye Mwenye kuruzuku, Mwenye nguvu, Madhubuti. [57]

Tanbihi

[57] Sitaki kwao riziki, kwani Mimi si mhitaji kwa walimwengu wote; wala sitaki wanilishe, kwani Mimi ndiye ninaye lisha, wala silishwi.

51:58

۝٥٨

Hakika Mwenyezi Mungu ndiye Mwenye kuruzuku, Mwenye nguvu, Madhubuti. [58]

Tanbihi

[58] Hakika Mwenyezi Mungu peke yake, ndiye mdhamini wa kuwapa riziki waja wake, na Yeye ndiye Mwenye nguvu, Aliye imara, hashindiki.

51:59

۝٥٩

Hakika walio dhulumu wana fungu lao la adhabu kama fungu la wenzao. Basi wasinihimize. [59]

Tanbihi

[59] Hakika hao walio jidhulumu nafsi zao kwa ukafiri na kukanusha wana fungu lao la adhabu mfano wa fungu la wenzao katika kaumu zilizo kwisha pita. Basi wasifanye haraka kuhimiza adhabu ishuke kabla ya wakati wake.

51:60

۝٦٠

Ole wao walio ikanusha siku yao waliyo ahidiwa. [60]

Tanbihi

[60] Basi maangamio yatawapata wenye kuikataa siku yao waliyo ahidiwa, kwa sababu ya shida na vitisho viliomo katika siku hiyo.

52:1

۝١

Naapa kwa mlima wa T'ur! [1]

Tanbihi

[1] Ninaapa kwa mlima wa T'ur ulioko katika Sinai. Kwenye mlima huo ndio Nabii Musa a.s. alisemezwa.

52:2

۝٢

Na Kitabu kilicho andikwa . [2]

Tanbihi

[2] Ninaapa kwa mlima wa T'ur ulioko katika Sinai. Kwenye mlima huo ndio Nabii Musa a.s.

52:3

۝٣

Katika ngozi iliyo kunjuliwa! [3]

Tanbihi

[3] Kilicho andikwa katika kurasa zilio nyepesi kuzisoma,

52:4

۝٤

Na kwa Nyumba iliyo jengwa! [4]

Tanbihi

[4] Na kwa Nyumba iliyo jengwa kwa sababu ya wenye kuizunguka kwa ibada na wenye kusimama na kurukuu na kusujudu kwa Swala,

52:5

۝٥

Na kwa dari iliyo nyanyuliwa! [5]

Tanbihi

[5] Na naapa kwa mbingu iliyo nyanyuliwa bila ya nguzo, na bahari iliyo jaa.

52:6

۝٦

Na kwa bahari iliyo jazwa! [6]

Tanbihi

[6] Na bahari iliyo jaa.

52:7

۝٧

Hakika adhabu ya Mola wako Mlezi hapana shaka itatokea. [7]

Tanbihi

[7] Hakika adhabu ya Mola wako Mlezi waliyo ahidiwa makafiri bila ya shaka itawateremkia hapana hivi wala hivi.

52:8

۝٨

Hapana wa kuizuia. [8]

Tanbihi

[8] Hapana wa kuizuia isiwafikilie.

52:9

۝٩

Siku zitakapo tikisika mbingu kwa mtikiso! [9]

Tanbihi

[9] Siku mbingu itapo tikisika kwa mtikiso mkubwa.

52:10

۝١٠

Na milima iwe inakwenda kwa mwendo mkubwa. [10]

Tanbihi

[10] Na milima itapo ng'oka kutoka hapo ilipo kwa kuonekana khasa.

52:11

۝١١

Basi ole wao siku hiyo hao wanao kadhibisha, [11]

Tanbihi

[11] Maangamio makubwa yatawapata siku hiyo hao wanao kadhibisha Haki.

52:12

۝١٢

Ambao wanacheza katika mambo ya upuuzi. [12]

Tanbihi

[12] Ambao katika upotovu ndio mchezo wao wanapo chezea.

52:13

۝١٣

Siku watapo sukumwa kwenye Moto kwa msukumo wa nguvu, [13]

Tanbihi

[13] Siku watakapo sukumwa kuingizwa Motoni kwa nguvu.

52:14

۝١٤

(Waambiwe): Huu ndio ule Moto mlio kuwa mkiukanusha! [14]

Tanbihi

[14] Wataambiwa: Huu ndio Moto mlio kuwa mkiukanusha duniani.

52:15

۝١٥

Je! Huu ni uchawi, au hamwoni tu? [15]

Tanbihi

[15] Je! Bado mnaendelea kuukanya. Huu Moto mnao uona ni uchawi, au hamwoni tu?

52:16

۝١٦

Uingieni, mkistahamili au msistahamili - ni mamoja kwenu. Hakika mnalipwa kwa mliyo kuwa mkiyatenda. [16]

Tanbihi

[16] Uingieni, mpate kuonja vukuto lake. Mkivumilia shida zake, au mkitovumilia, kwenu ni mamoja. Hakika leo mtayakuta mliyo kuwa mkiyatenda duniani.

52:17

۝١٧

Hakika wachamngu watakuwa katika Mabustani na neema, [17]

Tanbihi

[17] Hakika wachamngu watakuwa katika Mabustani yenye wasaa, hapana awezae kuyaeleza yalivyo, na neema kubwa kadhaalika.

52:18

۝١٨

Wakifurahi kwa yale aliyo wapa Mola wao Mlezi. Na Mola wao Mlezi atawalinda na adhabu ya Motoni. [18]

Tanbihi

[18] Wakistarehe na neema alizo wapa Mola wao Mlezi, na Mola wao Mlezi akawalinda na adhabu ya Moto.

52:19

۝١٩

Kuleni na kunyweni kwa raha kabisa kwa sababu ya mliyo kuwa mkiyatenda. [19]

Tanbihi

[19] Wataambiwa: Kuleni chakula mpendacho, na kunyweni kwa raha, kuwa ni malipo ya vitendo mlivyo vitenda duniani.

52:20

۝٢٠

Watakuwa wameegemea juu ya viti vya enzi vilivyo pangwa kwa safu. Na tutawaoza mahuru-l-aini. [20]

Tanbihi

[20] Wakikaa nao wameegema juu ya makochi yaliyo pangwa kwa safu. Na tutawaoza wake weupe wenye macho ya vikombe wazuri.

52:21

۝٢١

Na walio amini na dhuriya zao wakawafuata kwa Imani tutawakutanisha nao dhuriya zao, na wala hatutawapunja hata kidogo katika vitendo vyao. Kila mtu lazima atapata alicho kichuma. [21]

Tanbihi

[21] Na walio amini, na wakastahiki vyeo vya juu, na vizazi vyao wakawafuata katika Imani, na wao hawajafikia daraja zile za baba zao, tutawakutanisha nao hao dhuriya zao, wapate kutulia nyoyo zao. Na wala hatuwapunguzii chochote katika thawabu za vitendo vyao. Wala wazazi hawatobeba chembe katika makosa ya dhuriya zao. Kwa sababu kila mtu amefungamana kwa rahani na vitendo vyake visio bebwa na mwenginewe.

52:22

۝٢٢

Na tutawapa matunda, na nyama kama watavyo penda. [22]

Tanbihi

[22] Na tutawazidishia matunda mengi, na nyama kama waipendayo.

52:23

۝٢٣

Watapeana humo bilauri zisio na vinywaji vya kuleta maneno ya upuuzi wala dhambi. [23]

Tanbihi

[23] Huko Peponi watakuwa wakipeana kwa mapenzi bilauri zilio jaa vinywaji visio leta maneno yasiyo na maana wala vitendo vya dhambi, yaani havilevi na kuondoa akili.

52:24

۝٢٤

Iwe wanawapitia watumishi wao kama kwamba ni lulu zilizomo katika chaza. [24]

Tanbihi

[24] Na watakuwa wakiwapitia vijana walio wekwa kwa kuwatumikia, kwa weupe wao na usafi wao kama lulu iliomo ndani ya chaza.

52:25

۝٢٥

Wataelekeana wakiulizana. [25]

Tanbihi

[25] Na watu wa Peponi watakabiliana wakiulizana wao kwa wao khabari za hayo mambo makuu wanayo yapata na sababu zake.

52:26

۝٢٦

Waseme: Tulikuwa zamani pamoja na ahali zetu tukiogopa; [26]

Tanbihi

[26] Kabla ya neema hizi sisi tulikuwa pamoja na ahali zetu tukiiogopa adhabu ya Mwenyezi Mungu.

52:27

۝٢٧

Basi Mwenyezi Mungu akatufanyia hisani na akatulinda na adhabu ya upepo wa Moto. [27]

Tanbihi

[27] Mwenyezi Mungu akatufadhili kwa rehema yake, na akatukinga na adhabu ya Moto.

52:28

۝٢٨

Hakika sisi zamani tulikuwa tukimwomba Yeye tu. Hakika Yeye ndiye Mwema Mwenye kurehemu. [28]

Tanbihi

[28] Hakika sisi kabla ya haya tulikuwa duniani tukimuabudu Yeye tu. Yeye peke yake ndiye Mhisani Mkunjufu wa rehema.

52:29

۝٢٩

Basi kumbusha! Kwani wewe, kwa neema ya Mola wako Mlezi, si kuhani wala mwendawazimu. [29]

Tanbihi

[29] Wewe endelea na kukumbusha kama unavyo fanya. Kwani wewe, kwa neema ya Mwenyezi Mungu aliyo kuneemesha kukupa Unabii na akili iliyo timia, si kuhani anaye toa khabari za ghaibu bila ya ilimu, wala si mwendawazimu unaye sema usiyo yasadiki.

52:30

۝٣٠

Au wanasema: Huyu ni mtunga mashairi, tunamtarajia kupatilizwa na dahari. [30]

Tanbihi

[30] Bali ati wanasema huyu ni mtunga mashairi, tunaye mngojea afikiwe na mauti!

52:31

۝٣١

Sema: Tarajieni, na mimi pia ni pamoja nanyi katika kutarajia. [31]

Tanbihi

[31] Waambie kwa kuwatisha: Ngojeeni, na mimi nami ni katika wanao ngojea mwisho wa hali yangu na hali yenu!

52:32

۝٣٢

Au hizo akili zao ndio zinawaamrisha haya, au wao basi ni watu majeuri tu? [32]

Tanbihi

[32] Bali ndio akili zao zinawaamrisha waseme maneno hayo yanayo gongana. Kwani kohani na mtunga mashairi ni watu wenye fahamu na akili; na mwendawazimu hana akili. Lakini hawa ni watu walio pita mipaka katika inadi zao.

52:33

۝٣٣

Au ndio wanasema: Ameitunga hii! Bali basi tu hawaamini! [33]

Tanbihi

[33] Bali ati wanasema: Muhammad ameizua hii Qur'ani! Bali hawa kwa ukaidi wao hawaamini tu.

52:34

۝٣٤

Basi nawalete masimulizi kama haya ikiwa wao wanasema kweli. [34]

Tanbihi

[34] Basi nawalete masimulizi kama haya ya Qur'ani, ikiwa wao ni wasema kweli kuwa Muhammad kaizua.

52:35

۝٣٥

Au wao wameumbwa pasipo kutokana na kitu chochote, au ni wao ndio waumbaji? [35]

Tanbihi

[35] Kwani wao wameumbwa bila ya kuweko Muumbaji, au wao wamejiumba wenyewe, basi kwa hivyo ati ndio hawamtambui Muumbaji wa kumuabudu?

52:36

۝٣٦

Au wao wameziumba mbingu na ardhi? Bali hawana na yakini. [36]

Tanbihi

[36] Kwani wao ndio walio ziumba mbingu na ardhi kwa uumbaji mzuri wa pekee wa namna hii? Bali wao hawana na yakini na lolote lilio mwajibikia Muumbaji. Na kwa hivyo ndio wanamshirikisha.

52:37

۝٣٧

Au wanazo khazina za Mola wako Mlezi au wao ndio wenye madaraka? [37]

Tanbihi

[37] Kwani wao wanazo khazina za Mola wako Mlezi wanazo zisarifu watakavyo? Au wana nguvu za kutenda watakavyo, na kupanga mambo kama wapendavyo?

52:38

۝٣٨

Au wanazo ngazi za kusikilizia? Basi huyo msikilizaji wao na alete hoja ilio wazi! [38]

Tanbihi

[38] Bali wanacho kipandio cha kupandia mpaka mbinguni wakasikiliza anayo yahukumia Mwenyezi Mungu? Kama hivyo, basi nawamlete huyo mtu wao anaye sikiliza atoe hoja iliyo wazi kuthibitisha madai yake.

52:39

۝٣٩

Au Yeye Mwenyezi Mungu ana wasichana, na nyinyi ndio mna wavulana? [39]

Tanbihi

[39] Ati Mwenyezi Mungu ndiye mwenye mabinti, kama mnavyo zua, na nyinyi ndio mna watoto wa kiume kama ndio mnavyo penda?

52:40

۝٤٠

Au wewe unawaomba ujira, na kwa hivyo ndio wanaelemewa na uzito wa gharama? [40]

Tanbihi

[40] Kwani wewe unawaomba chochote kuwa ni ujira wa kuwafikishia Ujumbe wako, ndio wamethakilika na hizo gharama wakalalimika?

52:41

۝٤١

Au wanayo ilimu ya ghaibu, nao wameandika? [41]

Tanbihi

[41] Bali kwani wao wanao ujuzi kujua mambo ya ghaibu, yaliyo fichikana, na hivyo wanaandika kutoka hayo wayatakayo?

52:42

۝٤٢

Au wanataka kufanya vitimbi tu? Lakini hao walio kufuru ndio watakao tegeka. [42]

Tanbihi

[42] Au wanataka kukufanyia vitimbi tu na kuuharibu Ujumbe wako? Basi hao walio kufuru ndio wanao stahiki kutumbukia katika vitimbi vyao.

52:43

۝٤٣

Au wanae mungu asiye kuwa Mwenyezi Mungu? Subhanallah! Ametaksika Mwenyezi Mungu na hao wanao washirikisha naye. [43]

Tanbihi

[43] Au wao wanae mungu wa kuabudiwa badala ya Mwenyezi Mungu atakae walinda na adhabu ya Mwenyezi Mungu. Mwenyezi Mungu ametakasika na hayo wanayo mshirikisha naye!

52:44

۝٤٤

Na hata wange ona pande linatoka mbinguni linaanguka wange sema: Ni mawingu yaliyo bebana. [44]

Tanbihi

[44] Na wakiona kipande cha mbingu kinwaangukia kuwaadhibu wao husema, kwa inda tu: Ni mawingu yaliyo bebana!

52:45

۝٤٥

Basi waache mpaka wakutane na siku yao watakapo hilikishwa. [45]

Tanbihi

[45] Waache bila ya kuwajali mpaka watakapo ikuta siku yao watapo angamizwa.

52:46

۝٤٦

Siku ambayo hila zao hazitawafaa hata kidogo, wala wao hawatanusuriwa. [46]

Tanbihi

[46] Siku ambayo hila zao hazitawakinga hata na chembe ya adhabu, wala hawatapata wa kuwanusuru.

52:47

۝٤٧

Na hakika walio dhulumu watapata adhabu nyengine isiyo kuwa hii, lakini wengi wao hawajui. [47]

Tanbihi

[47] Na hakika hao walio dhulumu watapata adhabu mbali na hii waliyo teseka nayo hapa duniani, lakini wengi wao hawajui hayo.

52:48

۝٤٨

Na ingojee hukumu ya Mola wako Mlezi. Kwani wewe hakika uko mbele ya macho yetu, na mtakase kwa kumsifu Mola wako Mlezi unapo simama, [48]

Tanbihi

[48] Wewe isubirie hukumu ya Mola wako Mlezi ya kuwapa muhula hao, na wewe kupata maudhi yao. Kwani hakika wewe umo katika hifadhi yetu na ulinzi wetu. Basi vitimbi vyao havitokudhuru wewe. Na mtakase kwa kumsifu Mola wako Mlezi unapo amka.

52:49

۝٤٩

Na usiku pia mtakase, na zinapo kuchwa nyota. [49]

Tanbihi

[49] Na tafuta usiku usiku nafasi ya kumsabihi, yaani kumtakasa, Mwenyezi Mungu, na mtakase pia wakati zinapo kuchwa nyota, yaani alfajiri.

53:1

۝١

Naapa kwa nyota inapo tua! [1]

Tanbihi

[1] Ninaapa kwa nyota inapo tua kwa kuchwa, ya kwamba Muhammad hakuiacha Njia iliyo sawa ya kufuata Haki, na wala hakupata kuitakidi upotovu.

53:2

۝٢

Mwenzenu huyu hakupotea, wala hakukosea. [2]

Tanbihi

[2] ya kwamba Muhammad hakuiacha Njia iliyo sawa ya kufuata Haki, na wala hakupata kuitakidi upotovu.

53:3

۝٣

Wala hatamki kwa matamanio. [3]

Tanbihi

[3] Wala halitoki katika anayo yatamka ya Qur'ani kwa mapendo ya nafsi yake.

53:4

۝٤

Hayakuwa haya ila ni ufunuo ulio funuliwa; . [4]

Tanbihi

[4] Hii Qur'ani anayo itamka si chochote ila ni Wahyi (Ufunuo) ulio toka kwa Mwenyezi Mungu anamfunulia yeye.

53:5

۝٥

Amemfundisha aliye mwingi wa nguvu! [5]

Tanbihi

[5] Aliye mfundisha ufunuo huu ni mwenye nguvu nyingi.

53:6

۝٦

Mwenye kutua, akatulia! [6]

Tanbihi

[6] Ambaye ametua akili zake na maoni yake, akasimama sawa sawa katika sura yake;

53:7

۝٧

Naye yuko juu kabisa upeo wa macho. [7]

Tanbihi

[7] Naye yuko upande wa juu katika mbingu upeo wa macho wa mwenye kuangalia.

53:8

۝٨

Kisha akakaribia na akateremka. [8]

Tanbihi

[8] Kisha Jibrili alimkaribia, na akazidi kukaribia,

53:9

۝٩

Akawa ni kama baina ya mipinde miwili, au karibu zaidi. [9]

Tanbihi

[9] hata akawa ukaribu wake ni kiasi ya mipinde miwili, bali karibu kuliko hivyo.

53:10

۝١٠

Akamfunulia mja wake (Mwenyezi Mungu) alicho mfunulia. [10]

Tanbihi

[10] Jibrili akamfunulia mja wa Mwenyezi Mungu na Mtume wake, alicho mfunulia, nao ufunuo huo ni jambo lenye shani kubwa na athari ya mbali kabisa.

53:11

۝١١

Moyo haukusema uwongo uliyo yaona. [11]

Tanbihi

[11] Moyo wa Muhammad haukukanya yale macho yake yaliyo yaona.

53:12

۝١٢

Je! Mnabishana naye kwa aliyo yaona? [12]

Tanbihi

[12] Hivyo nyinyi mnamkadhibisha Mtume wa Mwenyezi Mungu na mnabishana naye kwa aliyo yaona kwa macho yake?

53:13

۝١٣

Na akamwona mara nyingine, [13]

Tanbihi

[13] Na bila ya shaka Muhammad alimwona Jibrili kwa sura yake mara nyengine,

53:14

۝١٤

Penye Mkunazi wa mwisho. [14]

Tanbihi

[14] Katika pahala pasipo juulikana ila na Mwenyezi Mungu tu, ambapo amepaita Sidratul muntahaa, "Mkunazi wa Mwisho".

53:15

۝١٥

Karibu yake ndiyo ipo Bustani inayo kaliwa. [15]

Tanbihi

[15] Na akasimulia kuwa hapo ndio ipo Jannatul Ma-awa, Bustani inayo kaliwa.

53:16

۝١٦

Kilipo ufunika huo Mkunazi hicho kilicho ufunuika. [16]

Tanbihi

[16] Vikafunikwa na kuzibwa, kwa fadhila ya Mwenyezi Mungu, visio weza kuelezwa.

53:17

۝١٧

Jicho halikuhangaika wala halikuruka mpaka. [17]

Tanbihi

[17] Jicho la Muhammad halikubabaika kwa aliyo yaona, na wala hakukiuka mpaka ya aliyo amrishwa kwa kuona kwake huko.

53:18

۝١٨

Kwa yakini aliona katika Ishara kubwa kabisa za Mola wake Mlezi. [18]

Tanbihi

[18] Hakika ameona mengi katika Ishara za Mwenyezi Mungu na maajabu yake makubwa makubwa.

53:19

۝١٩

Je! Mmemuona Lata na Uzza? [19]

Tanbihi

[19] Je! Mmeyajua hayo, na mkayafikiri ya kina Lata na Uzza?

53:20

۝٢٠

Na Manaat, mwingine wa tatu? [20]

Tanbihi

[20] Na Manata, huyo mwengine wa tatu, mlio wafanya kuwa ni miungu wa kuwaabudu?

53:21

۝٢١

Je! Nyinyi mnao wana wanaume na Yeye ndio awe na wanawake? [21]

Tanbihi

[21] Mkagawa, nyinyi muwe na watoto wa kiume, na mkamfanyia Mwenyezi Mungu awe na watoto wa kike!

53:22

۝٢٢

Huo ni mgawanyo wa dhulma! [22]

Tanbihi

[22] Huo basi ni ugawaji wa dhulma, mnamgawia Mwenyezi Mungu kile mnacho kichukia nyinyi wenyewe!

53:23

إِنْ هِىَ إِلَّآ أَسْمَآءٌ سَمَّيْتُمُوهَآ أَنتُمْ وَءَابَآؤُكُم مَّآ أَنزَلَ ٱللَّهُ بِهَا مِن سُلْطَٰنٍ ۚ إِن يَتَّبِعُونَ إِلَّا ٱلظَّنَّ وَمَا تَهْوَى ٱلْأَنفُسُ ۖ وَلَقَدْ جَآءَهُم مِّن رَّبِّهِمُ ٱلْهُدَىٰٓ

۝٢٣

Hayo hayakuwa ila ni majina mliyo wapa nyinyi na baba zenu. Mwenyezi Mungu hakuleta uthibitisho wowote juu ya hayo. Hawafuati ila dhana tu na kipendacho nafsi. Na kwa yakini uwongofu ulikwisha wafikia kutoka kwa Mola wao Mlezi. [23]

Tanbihi

[23] Hayo masanamu yenu si chochote ila ni majina tu yasiyo na maana yoyote ya kiungu. Mmeyatunga nyinyi na baba zenu kwa kufuata pumbao lenu la upotovu. Mwenyezi Mungu hakuteremsha nayo hoja yoyote ya kusadikisha huo uzushi wenu mnao wadaia. Na hawa hawafuati ila ni dhana tu, na kipendacho nyoyo zao zilio potoka na kuacha maumbile yaliyo sawa. Na hakika yalikwisha wajia kutoka kwa Mola wao Mlezi yenye uwongofu, laiti wangeli ufuata huo!

53:24

۝٢٤

Ati mtu anakipata kila anacho kitamani? [24]

Tanbihi

[24] Mwanaadamu hapati kila anacho kitamani, ya kupata uombezi wa haya masanamu au mengineyo anayo yatamani kwa nafsi yake.

53:25

۝٢٥

Mwenyezi Mungu tu ndiye Mwenye dunia na Akhera. [25]

Tanbihi

[25] Kwani mambo yote, ya duniani na Akhera, ni ya Mwenyezi Mungu peke yake.

53:26

۝٢٦

Na wako Malaika wangapi mbinguni, ambao uombezi wao hautafaa chochote isipo kuwa baada ya Mwenyezi Mungu kutoa idhini kwa amtakaye na kumridhia. [26]

Tanbihi

[26] Na malaika wengi wa mbinguni, juu ya ubora wa vyeo vyao, haufai kitu uombezi wao isipo kuwa baada ya kupewa idhini huyo mwombezi na Mwenyewe Mtukufu, na kumridhia huyo mwenye kuombewa.

53:27

۝٢٧

Hakika wasio amini Akhera bila ya shaka wao ndio wanawaita Malaika kwa majina ya kike. [27]

Tanbihi

[27] Hakika hao wasio iamini Akhera ndio bila ya shaka wanao sema kuwa Malaika ni wanawake. Wanasema: Malaika ni mabinti wa Mwenyezi Mungu!

53:28

۝٢٨

Nao hawana ujuzi wowote kwa hayo isipo kuwa wanafuata dhana tu. Na dhana haisaidii chochote mbele ya haki. [28]

Tanbihi

[28] Na kwa kauli hii hawana ujuzi wowote. Hawafuati kitu ila dhana zao tu zilio potoka, na dhana haifai kitu mbele ya haki.

53:29

۝٢٩

Basi mwachilie mbali anaye upa kisogo ukumbusho wetu, na wala hataki ila maisha ya dunia. [29]

Tanbihi

[29] Basi jitenge nao hao makafiri walio ipuuza Qur'ani na ikawa hamu yao si chochote ila uhai wa duniani tu, wakiyakataa yenye maslaha nao.

53:30

۝٣٠

Huo ndio mwisho wao wa ujuzi. Hakika Mola wako Mlezi ndiye anaye mjua zaidi mwenye kuipotea njia yake, na Yeye ndiye anaye mjua zaidi mwenye kuongoka. [30]

Tanbihi

[30] Hayo wanayo yafuata katika itikadi zao, na vitendo vyao ndio ukomo walio yafikilia katika ilimu. Hakika Mola wako Mlezi anamjua vyema anaye shikilia upotovu, na anamjua vyema aliye elekea kupokea uwongofu.

53:31

۝٣١

Ni vya Mwenyezi Mungu vyote viliomo mbinguni na viliomo katika ardhi, ili awalipe walio tenda ubaya kwa waliyo yatenda, na walio tenda mema awalipe mema. [31]

Tanbihi

[31] Na ni vya Mwenyezi Mungu pekee vyote viliomo katika mbingu na ardhi, kwa kuviumba na kuvidabiri, ili awalipe walio potea wenye kufanya viovu vitendo vyao, na awalipe walio hidika watu wema kwa malipo yaliyo mema.

53:32

ٱلَّذِينَ يَجْتَنِبُونَ كَبَٰٓئِرَ ٱلْإِثْمِ وَٱلْفَوَٰحِشَ إِلَّا ٱللَّمَمَ ۚ إِنَّ رَبَّكَ وَٰسِعُ ٱلْمَغْفِرَةِ ۚ هُوَ أَعْلَمُ بِكُمْ إِذْ أَنشَأَكُم مِّنَ ٱلْأَرْضِ وَإِذْ أَنتُمْ أَجِنَّةٌ فِى بُطُونِ أُمَّهَٰتِكُمْ ۖ فَلَا تُزَكُّوٓا۟ أَنفُسَكُمْ ۖ هُوَ أَعْلَمُ بِمَنِ ٱتَّقَىٰٓ

۝٣٢

Ambao wanajiepusha na madhambi makuu na vitendo vichafu, isipo kuwa makosa khafifu. Hakika Mola wako Mlezi ni Mkunjufu wa maghfira, naye anakujueni sana tangu alipo kuumbeni kutoka kwenye ardhi, na mlipo kuwa mimba matumboni mwa mama zenu. Basi msijisifu usafi. Yeye anamjua sana mwenye kujikinga na maovu. [32]

Tanbihi

[32] Wema hao ndio wale wanao jitenga na madhambi yenye adhabu kubwa kubwa, na yanayo chukiza mno. Lakini Mwenyezi Mungu husamehe dhambi ndogo ndogo. Hakika Mola wako Mlezi ni Mkuu wa kughufiria, naye anajua vyema hali zenu. Kwani Yeye ndiye aliye kuumbeni kutokana na ardhi, na mlipo kuwa mimba matumboni mwa mama zenu katika hali zenu mbali mbali za kukua na kugeuka. Basi msikae mkijisifu nafsi zenu kuwa mmesafika kwa kujigamba na kujifakhari. Na Yeye ndiye Mjuzi mkubwa kabisa wa kila mwenye kumcha na akajisafisha nafsi yake kweli kweli kwa uchamngu wake.

53:33

۝٣٣

Je! Umemwona yule aliye geuka? [33]

Tanbihi

[33] Je! Umezingatia ukamwona anaye puuza kuifuata Haki,

53:34

۝٣٤

Na akatoa kidogo, kisha akajizuia? [34]

Tanbihi

[34] Na akatoa kidogo katika mali, na khalafu akakata kabisa kutoa?

53:35

۝٣٥

Je! Anayo huyo ilimu ya ghaibu, basi ndio anaona? [35]

Tanbihi

[35] Je! Huyo anayo ilimu ya kujua mambo ya ghaibu, basi kwa hivyo ndio anayajua yanayo mpelekea kuiacha kuifuata Haki, na akafanya ubakhili wa mali?

53:36

۝٣٦

Au hakuambiwa yaliyomo katika Vitabu vya Musa? [36]

Tanbihi

[36] Kwani huyo hakuambiwa yaliomo katika Vitabu vya Musa

53:37

۝٣٧

Na vya Ibrahimu aliye timiza ahadi? [37]

Tanbihi

[37] Na Ibrahim, aliye fika ukomo wa kutimiza aliyo agana na Mwenyezi Mungu,

53:38

۝٣٨

Ya kwamba hakika nafsi iliyo beba madhambi haibebi madhambi ya mwengine? [38]

Tanbihi

[38] Ya kwamba hapana mtu ataye mbebea dhambi mwenginewe?

53:39

۝٣٩

Na ya kwamba hatapata mtu ila aliyo yafanya mwenyewe? [39]

Tanbihi

[39] Na kwamba mtu hapati ila malipo ya vitendo vyake mwenyewe.

53:40

۝٤٠

Na kwamba vitendo vyake vitaonekana? [40]

Tanbihi

[40] Na kwamba vitendo vyake vitakuja tangazwa, na ataviona Siku ya Kiyama, iwe ni kumtukuza mtenda mema, na kumkebehi mtenda maovu.

53:41

۝٤١

Kisha ndio atalipwa malipo yake kwa ukamilifu. [41]

Tanbihi

[41] Kisha kila mtu atalipwa malipo anayo stahiki.

53:42

۝٤٢

Na kwamba kwao Mola wako Mlezi ndio mwisho. [42]

Tanbihi

[42] Na kwamba kwa hakika ni kwa Mola wako Mlezi, wala si kwa mwenginewe, ndio miadi ya kurejea.

53:43

۝٤٣

Na kwamba Yeye ndiye anaye leta kicheko na kilio. [43]

Tanbihi

[43] Na Yeye peke yake ni Mwenye uweza wa kuufanya uso uonyeshe furaha au maudhiko, na pia ni Mwenye kuziumba sababu za starehe na dhiki.

53:44

۝٤٤

Na kwamba Yeye ndiye anaye fisha na kuhuisha. [44]

Tanbihi

[44] Na hakika ni Yeye, ndiye Mwenye kuondoa uhai, na kuuleta.

53:45

۝٤٥

Na kwamba Yeye ndiye aliye umba jozi, dume na jike [45]

Tanbihi

[45] Na Yeye ndiye aliye umba vitu kwa jozi, yaani dume na jike, binaadamu na wanyama,

53:46

۝٤٦

Kutokana na mbegu ya uzazi inapo miminwa. [46]

Tanbihi

[46] Kutokana na manii yanayo miminwa. Makusudio ya Aya hii tukufu ni kuonyesha uwezo wa Mwenyezi Mungu Mtukufu kwamba Yeye ameumba waume na wake katika wanaadamu na wanyama wote kutokana na tone ya manii ambayo humo humo mna ume na uke. Na juu ya udogo wake na udhaifu wake ndio chemchem ya uhai. Umuujiza wa Qur'ani unadhihirika katika Aya hii tukufu ukikumbuka kuwa ulimwengu ulikuwa haujui mpaka hivi karibu kuwa katika maji ya mwanamume ndio zimo mbegu "sperms" na katika maji ya mwanamke mna vijiyai "ova", ndio vikikutana vijidudu vya manii ya mwanamume na vijiyai vya mwanamke vikawa kitu kimoja ndio hiyo huwa mimba. Ukweli huu ulitajwa na Qur'ani kabla ya kuvumbuliwa na ilimu za Sayansi.

53:47

۝٤٧

Na kwamba ni juu yake ufufuo mwengine. [47]

Tanbihi

[47] Na juu yake Yeye ndio kufufua baada ya kifo.

53:48

۝٤٨

Na kwamba ni Yeye ndiye anaye tosheleza na kukinaisha. [48]

Tanbihi

[48] Na Yeye ndiye anaye toa kinacho tosheleza, na akaridhisha kwa kinacho kinaisha na cha kuweka akiba.

53:49

۝٤٩

Na kwamba hakika Yeye ndiye Mola Mlezi wa nyota ya Shii'ra. [49]

Tanbihi

[49] Na hakika Yeye ndiye Mola Mlezi wa hii nyota kubwa inayo itwa Shii'ra (Sirius, Dog Star). Makusudio hapa ni Nyota hiyo inayo itwa Ash-shi'ra Alyamaaniya, au wanavyo ita Wazungu Sirius au Dog Star. Nyota hii inang'ara kwa nguvu zaidi kuliko nyota zote ziliomo katika kikundi cha nyota kinacho itwa Alkalbu l-akbar, kwa Kizungu Canis Major au Greater Dog. Nyota hiyo ndiyo inayo zagaa sana mbinguni, na huonekana kusini ya mstari wa kati wa mbinguni kiasi ya daraja 18. Na kwa jina hilo la Nyota ya Mbwa ikijuulikana hata miaka elfu tatu ilio pita. Katika mabaki ya michoro ya Mafirauni wa Misri imeashiriwa pia. Mwenyezi Mungu ameitaja khasa kwa kuwa Waarabu walikuwa wakiiabudu hapo kale, na pia Wamisri wa zamani, kwani kutokea kwake upande wa mashariki katikati ya mwezi wa Julai kabla ya kuchomoza jua kulikuwa kunawafikiana na wakati wa mafuriko ya Misri ya kati, yaani katika tukio muhimu kabisa katika ulimwengu huo wa kale. Na tukio hili huenda ndilo lilio fanya kuanzisha kuwekea kiwango urefu wa mwaka katika dunia nzima. Kwani kudhihiri Nyota ya Shiira kabla ya kuchomoza jua hakutokei ila mara moja tu katika mwaka. Basi huu ndio mwanzo wa mwaka mpya.

53:50

۝٥٠

Na kwamba Yeye ndiye aliye waangamiza A'di wa kwanza, [50]

Tanbihi

[50] Na Yeye ndiye aliye wateketeza kina A'di wa mwanzo, kaumu ya Nabii Hudi. Na akawateketeza Thamudi, kaumu ya Nabii Saleh. Hakuwabakisha.

53:51

۝٥١

Na Thamudi hakuwabakisha, [51]

Tanbihi

[51] Na akawateketeza Thamudi, kaumu ya Nabii Saleh. Hakuwabakisha.

53:52

۝٥٢

Na kabla yao kaumu ya Nuhu. Na hao hakika walikuwa ni madhaalimu zaidi, na waovu zaidi; [52]

Tanbihi

[52] Na aliwaangamiza kaumu ya Nuhu kabla ya kuwaangamiza A'di na Thamudi. Hakika hao walikuwa wamekithiri kudhulumu, na wamezidi kwa uasi kuliko A'di na Thamudi.

53:53

۝٥٣

Na miji iliyo pinduliwa, ni Yeye aliye ipindua. [53]

Tanbihi

[53] Na miji ya kaumu Lut'i iliyo pinduliwa juu chini, ni Yeye Mwenyezi Mungu ndiye aliye ipindua.

53:54

۝٥٤

Vikaifunika vilivyo funika. [54]

Tanbihi

[54] Akaizunguka kwa kuiadhibu kama alivyo izunguka.

53:55

۝٥٥

Basi neema gani ya Mola wako Mlezi unayo ifanyia shaka? [55]

Tanbihi

[55] Basi katika neema za Mola wako Mlezi una shaka nayo ipi?

53:56

۝٥٦

Hili ni Onyo katika maonyo yale yale ya zamani. [56]

Tanbihi

[56] Hii Qur'ani ni onyo katika jinsi ya yale yale maonyo ya kale waliyo onywa kwayo watu walio tangulia.

53:57

۝٥٧

Kiyama kimekaribia! [57]

Tanbihi

[57] Kiyama kimekaribia;

53:58

۝٥٨

Hapana wa kukifichua isipo kuwa Mwenyezi Mungu. [58]

Tanbihi

[58] Na wala hapana wa kuujuulisha wakati kitapo tokea ila mwenyewe Mwenyezi Mungu.

53:59

۝٥٩

Je! Mnayastaajabia maneno haya? [59]

Tanbihi

[59] Hivyo nyinyi mnapinga kila la kweli? Na mnaistaajabia kwa kuikaataa hii Qur'ani?

53:60

۝٦٠

Na mnacheka, wala hamlii? [60]

Tanbihi

[60] Na mnacheka kwa kejeli na maskhaara, wala hamlii kama wafanyavyo wenye yakini,

53:61

۝٦١

Nanyi mmeghafilika? [61]

Tanbihi

[61] Nanyi mmo katika pumbao na kutakabari?

53:62 ۩ Sijida

۝٦٢

Basi msujudieni Mwenyezi Mungu, na mumuabudu. [62]

Tanbihi

[62] Basi msujudieni Mwenyezi Mungu aliye iteremsha Qur'ani kuwa ni uwongofu kwa watu wote, na muabuduni Yeye tu peke yake Mwenye kutukuka kwa utukufu wake.

54:1

۝١

Saa imekaribia, na mwezi umepasuka! [1]

Tanbihi

[1] Kiyama kimekaribia na mwezi utapasuka hapana hivi wala hivi.

54:2

۝٢

Na wakiona Ishara hugeuka upande na husema: Huu uchawi tu unazidi kuendelea. [2]

Tanbihi

[2] Na makafiri wakiona Ishara, yaani muujiza mkubwa, wao hupuuza wakaacha kuuamini. Bali husema: Huu ni uchawi wa daima unaendelea!

54:3

۝٣

Na wamekanusha na wamefuata matamanio yao. Na kila jambo ni lenye kuthibiti. [3]

Tanbihi

[3] Na wamewakanusha Mitume na wakafuata yaliyo zainishwa na matamanio yao. Na kila jambo huishia mwisho wake linapo tulia na kuthibiti.

54:4

۝٤

Na bila ya shaka zimewajia khabari zenye makaripio. [4]

Tanbihi

[4] Na ninaapa kuwa zimewajia makafiri khabari za mataifa yaliyo tangulia zenye ukweli wa uumbaji ambazo zina mikemeo ya kutosha.

54:5

۝٥

Hikima kaamili; lakini maonyo hayafai kitu! [5]

Tanbihi

[5] Haya yaliyo wajia ni hikima kubwa na lengo la kufikia mbali. Lakini maonyo yataleta faida gani kwa wanao zipinga hikima hizo?

54:6

۝٦

Basi jiepushe nao. Siku atakapo ita mwitaji kuliendea jambo linalo chusha; . [6]

Tanbihi

[6] Ewe Muhammad! Waachilie mbali hawa makafiri, nawe ngojea siku atapoita mwitaji wa Mwenyezi Mungu kuitia jambo ambalo nafsi inalichukia mno!

54:7

۝٧

Macho yao yatainama; watatoka makaburini kama nzige walio tawanyika! [7]

Tanbihi

[7] Macho yao yatainamia chini kwa wingi wa kitisho, wakitoka makaburini kama kwamba ni nzige walio tawanyika, kwa wingi wao na mbio zao.

54:8

۝٨

Wanamkimbilia mwitaji, na makafiri wanasema: Hii ni siku ngumu. [8]

Tanbihi

[8] Wakimkimbilia huyo mwitaji, wakimtazama kwa unyonge na unyenekevu, macho yao yanamwangalia yeye tu. Makafiri watasema Siku ya Kiyama: Hii leo ni siku nzito, siku ya shida!

54:9

۝٩

Kabla yao kaumu ya Nuhu walikanusha; wakamkanusha mja wetu, na wakasema ni mwendawazimu, na akakaripiwa. [9]

Tanbihi

[9] Kabla ya makafiri wa Makka walikwisha kanusha kaumu ya Nuhu. Walimkadhibisha Nuhu, mja wetu na Mtume wetu, wakamsingizia kuwa ana wazimu. Wakaingiza baina yake na kufikisha kwake Ujumbe kila namna ya maudhi na vitisho.

54:10

۝١٠

Basi akamwomba Mola wake Mlezi akasema: Kwa hakika mimi nimeshindwa, basi ninusuru! [10]

Tanbihi

[10] Nuhu akamwomba Mola wake Mlezi akisema: Hakika mimi nimeshindwa na hawa watu wangu, basi wapatilize hawa kwa ajili yangu!

54:11

۝١١

Basi tukaifungua milango ya mbingu kwa maji yanayo miminika. [11]

Tanbihi

[11] Basi tukaifungua milango ya mbingu ikamimina maji yasiyo katika;

54:12

۝١٢

Na tukazipasua ardhi kwa chemchem, yakakutana maji kwa jambo lilio kadiriwa. [12]

Tanbihi

[12] Na tukaipasua ardhi kwa chemchem zikitibuka maji. Yakakutana maji ya mbinguni na maji ya ardhi kuwahiliki, kama alivyo kadiria Mwenyezi Mungu Mtukufu.

54:13

۝١٣

Na tukamchukua kwenye safina ya mbao na kamba. [13]

Tanbihi

[13] Tukampakia Nuhu katika jahazi la mbao zinazo fungwa pamoja kwa kamba, kama mtepe.

54:14

۝١٤

Ikawa inakwenda kwa nadhari yetu, kuwa ni malipo kwa alivyo kuwa amekanushwa. [14]

Tanbihi

[14] Likawa linakwenda baharini chini ya hifadhi yetu, kuwa ni malipo kwa Nuhu ambaye watu wake waliendelea kuukanya wito wake.

54:15

۝١٥

Na bila ya shaka tuliiacha iwe ni Ishara. Lakini je, yupo anaye kumbuka? [15]

Tanbihi

[15] Na tumeliacha hilo tukio na kuzamishwa makafiri na kuokolewa Waumini liwe ni mawaidha, lakini yupo mwenye kuwaidhika?

54:16

۝١٦

Basi ilikuwaje adhabu yangu, na maonyo yangu. [16]

Tanbihi

[16] Jee, vipi ilikuwa adhabu yangu na onyo langu kwa wakhalifu.

54:17

۝١٧

Na bila ya shaka Sisi tumeifanya Qur'ani iwe nyepesi kufahamika. Lakini yupo anaye kumbuka? [17]

Tanbihi

[17] Ninaapa, tumeifanya Qur'ani iwe sahali kukumbukwa na kutoa mawaidha. Lakini je, yupo wa kuwaidhika?

54:18

۝١٨

Kina A'di walikanusha. Basi ilikuwaje adhabu yangu na maonyo yangu? [18]

Tanbihi

[18] Kina A'di walimkadhibisha Mtume wao Hudi. Je, hali gani adhabu yangu na onyo langu lilikuwa kwa wendao kinyume!

54:19

۝١٩

Hakika Sisi tuliwapelekea upepo wa kimbunga katika siku korofi mfululizo, [19]

Tanbihi

[19] Sisi kwa yakini tuliwapatiliza kwa upepo ubaridi unao vuma, katika siku ya ukorofi wa daima,

54:20

۝٢٠

Ukiwang'oa watu kama vigogo vya mitende vilio ng'olewa. [20]

Tanbihi

[20] Ukiwang'oa watu na kuwatupa nao wamekufa, kama vinavyo ng'olewa vigogo vya mitende na mizizi yake.

54:21

۝٢١

Basi ilikuwaje adhabu yangu na maonyo yangu? [21]

Tanbihi

[21] Hali gani adhabu yangu na onyo langu lilikuwa kwa walio kwenda kinyume!

54:22

۝٢٢

Na bila ya shaka Sisi tumeifanya Qur'ani nyepesi kufahamika; lakini yupo anaye kumbuka? [22]

Tanbihi

[22] Na bila ya shaka Sisi tumeifanya sahali Qur'ani kwa ajili ya mawaidha na mazingatio, basi je, yupo wa kuwaidhika?

54:23

۝٢٣

Thamudi waliwakanusha Waonyaji. [23]

Tanbihi

[23] Thamudi walikadhibisha maonyo ya Nabii wao, Saleh.

54:24

۝٢٤

Wakasema: Ati tumfuate binaadamu mmoja katika sisi? Basi hivyo sisi tutakuwa katika upotofu na kichaa! [24]

Tanbihi

[24] Wakasema: Hivyo aje mtu tu katika sisi, watu wa kawaida, asiye na watu, nasi tumfuate? Tukimfuata huyo basi bila ya shaka sisi tutakuwa mbali mno na haki, na tutakuwa tuna wazimu basi.

54:25

۝٢٥

Ni yeye tu aliye teremshiwa huo ukumbusho kati yetu sote? Bali huyu ni mwongo mwenye kiburi! [25]

Tanbihi

[25] Uteremshiwe wahyi kwake yeye katika sisi na hali wapo wanao stahiki zaidi? Bali huyo kazikdi katika uwongo, mwenye kukanya neema.

54:26

۝٢٦

Kesho watajua ni nani huyo mwongo mwenye kiburi. [26]

Tanbihi

[26] Karibu watakuja jua siku itapo wateremkia adhabu ni nani mwongo anaye ikanya neema. Wao au Saleh, Mtume wao?

54:27

۝٢٧

Hakika Sisi tutawapelekea ngamia jike ili kuwajaribu, basi watazame tu na ustahamili. [27]

Tanbihi

[27] Hakika Sisi tunampelekea Mtume wetu Saleh ngamia mke, awe ni mtihani wao. Basi wangojee, na uwatazame watafanya nini. Na subiri, uvumilie maudhi yao mpaka itapo kuja amri ya Mwenyezi Mungu.

54:28

۝٢٨

Na waambie kwamba maji yatagawanywa baina yao; kila sehemu ya maji itahudhuriwa na aliye khusika. [28]

Tanbihi

[28] Na waambie kwamba maji yatagawanywa baina yao na ngamia. Kila mmoja wao atakuwa na zamu yake aje kunywa katika siku yake.

54:29

۝٢٩

Basi wakamwita mtu wao akaja akamchinja. [29]

Tanbihi

[29] Wakamwita mtu wao mmoja akapania kumchinja yule ngamia, akamchinja.

54:30

۝٣٠

Basi ilikuwaje adhabu yangu na maonyo yangu! [30]

Tanbihi

[30] Basi vipi ilikuwa adhabu yangu na onyo langu kwa hao wakhalifu walio kwenda kinyume na amri.

54:31

۝٣١

Hakika Sisi tuliwapelekea ukelele mmoja tu, wakawa kama mabuwa ya kujengea uwa. [31]

Tanbihi

[31] Sisi tuliwapatiliza kwa ukelele mmoja tu, wakawa kama miti mikavu anayo ikusanya yeyote atakaye kujengea boma la uwa wake.

54:32

۝٣٢

Na bila ya shaka Sisi tumeifanya Qur'ani iwe nyepesi kwa kukumbuka, lakini yupo akumbukaye? [32]

Tanbihi

[32] Na bila ya shaka Sisi tumeisahilisha Qur'ani iwe nyepesi kwa ajili ya mawaidha na kuzingatia. Lakini je, yupo wa kuwaidhika?

54:33

۝٣٣

Kaumu Lut'i nao waliwakadhibisha Waonyaji. [33]

Tanbihi

[33] Kaumu Lut'i nao walikadhibisha maonyo ya Mtume wao.

54:34

۝٣٤

Hakika Sisi tukawapelekea kimbunga cha vijiwe, isipo kuwa wafuasi wa Lut'i. Hao tuliwaokoa karibu na alfajiri. [34]

Tanbihi

[34] Hakika Sisi tuliwapelekea upepo mkali wa kuwatupia changarawe. Isipo kuwa watu wa Lut'i walio amini. Hao tuliwaokoa na adhabu hii mwisho wa usiku.

54:35

۝٣٥

Kwa neema inayo toka kwetu. Hivyo ndivyo tumlipavyo anaye shukuru. [35]

Tanbihi

[35] Kwa kuwapa neema iliyo toka kwetu. Neema kama hizo kubwa kubwa ndivyo tunavyo walipa wenye kuishukuru neema yetu kwa imani yao na ut'iifu.

54:36

۝٣٦

Na hakika yeye aliwaonya adhabu yetu; lakini wao waliyatilia shaka hayo maonyo. [36]

Tanbihi

[36] Na hakika Lut'i aliwahadharisha watu wake vipi mshiko wetu ulivyo mkali, wakatilia shaka maonyo yake kwa kuwa wanamwona mwongo.

54:37

۝٣٧

Na walimtaka awape wageni wake. Tukayapofua macho yao, na tukawaambia: Onjeni basi adhabu na maonyo yangu! [37]

Tanbihi

[37] Wakamtaka awape wageni wake wawatende fiili yao, tukayafuta macho yao kuwa ni malipo kwa hilo walilo litaka. Basi waambie kwa kuwakejeli: Igugumieni adhabu yangu, na maonyo yangu!

54:38

۝٣٨

Na iliwafikia wakati wa asubuhi adhabu yangu ya kuendelea. [38]

Tanbihi

[38] Na asubuhi mapema ikawashitua adhabu ya kuthibiti milele.

54:39

۝٣٩

Basi onjeni adhabu na maonyo yangu!< [39]

Tanbihi

[39] Wakaambiwa: Igugumieni adhabu yangu na maonyo yangu!

54:40

۝٤٠

Na hakika tumeisahilisha Qur'ani kuikumbuka. Lakini yupo anaye kumbuka? [40]

Tanbihi

[40] Na hakika tumeifanya Qur'ani ni sahali kwa ajili ya mawaidha na mazingatio. Je! Yupo anaye waidhika?

54:41

۝٤١

Na Waonyaji waliwafikia watu wa Firauni. [41]

Tanbihi

[41] Na watu wa Firauni yaliwajia maonyo ya mfululizo.

54:42

۝٤٢

Walizikadhibisha Ishara zetu zote, nasi tukawashika kama anavyo shika Mwenye nguvu Mwenye uweza. [42]

Tanbihi

[42] Walikadhibisha Ishara zetu na miujiza yetu waliyo kuja nayo Mitume wetu. Tukawaangamiza kwa maangamizo ya nguvu yasiyo shindika, ya uwezo mkubwa.

54:43

۝٤٣

Je! Makafiri wenu ni bora kuliko hao, au yameandikwa vitabuni kuwa nyinyi hamtiwi makosani? [43]

Tanbihi

[43] Ati nyinyi, makafiri, mna nguvu zaidi kuliko hao wa kaumu zilizo tangulia ambao wameangamizwa? Au nyinyi mmetolewa makosani kwa ilivyo teremka katika Vitabu vya mbinguni?

54:44

۝٤٤

Au ndio wanasema: Sisi ni wengi tutashinda tu. [44]

Tanbihi

[44] Bali ati wanasema hawa makafiri: Sisi ni kikundi kilicho ungana chenye nguvu juu ya maadui wake, hakishindwi.

54:45

۝٤٥

Wingi wao huu utashindwa, na wao watasukumwa nyuma. [45]

Tanbihi

[45] Kikundi hicho kitashindwa, na watakimbia mbio wakifurushwa.

54:46

۝٤٦

Bali Saa ya Kiyama ndio miadi yao, na Saa hiyo ni nzito zaidi na chungu zaidi. [46]

Tanbihi

[46] Bali Kiyama ndio miadi ya adhabu yao. Na Kiyama ni kizito zaidi, na kichungu zaidi.

54:47

۝٤٧

Hakika wakosefu wamo katika upotofu na wazimu. [47]

Tanbihi

[47] Hakika wakosefu kutokana na hawa na hao watakuwa katika hilaki na Jahannamu inayo waka moto.

54:48

۝٤٨

Siku watakapo kokotwa Motoni kifudifudi waambiwe: Onjeni mguso wa Jahannamu! [48]

Tanbihi

[48] Siku watapo bururwa kifudifudi katika Moto wakiambiwa: Hilikini kwa machungu ya Jahannamu na joto lake!

54:49

۝٤٩

Kwa hakika Sisi tumekiumba kila kitu kwa kipimo. [49]

Tanbihi

[49] Hakika Sisi tumeumba kila kitu. Tumeviumba kwa kukadiria inavyo hitajia hikima.

54:50

۝٥٠

Na amri yetu haikuwa ila ni moja tu, kama kupepesa jicho. [50]

Tanbihi

[50] Na haikuwa amri yetu tukitaka kitu ila neno moja tu, nalo ni kusema: "Kuwa", nacho huwa, papo hapo kama kupepesa kwa jicho.

54:51

۝٥١

Na bila ya shaka tumekwisha waangamiza wenzenu. Lakini yupo anaye kumbuka? [51]

Tanbihi

[51] Na bila ya shaka Sisi tumekwisha waangamiza wengine walio fanana nanyi katika ukafiri. Je! Yupo aliye waidihika?

54:52

۝٥٢

Na kila jambo walilo lifanya limo vitabuni. [52]

Tanbihi

[52] Na kila kitu walicho kifanya duniani kimeandikwa katika madaftari, kimeambatishwa nao.

54:53

۝٥٣

Na kila kidogo na kikubwa kimeandikwa. [53]

Tanbihi

[53] Na kila dogo na kubwa katika vitendo limeandikwa. Hakipotei kitu.

54:54

۝٥٤

Hakika wachamngu watakuwa katika Mabustani na mito. [54]

Tanbihi

[54] Hakika wachamngu watakuwa katika Mabustani yenye shani kuu, na mito ya namna mbali mbali.

54:55

۝٥٥

Katika makalio ya haki kwa Mfalme Mwenye uweza. [55]

Tanbihi

[55] Katika baraza ya Haki, hakuna porojo huko wala madhambi, kwa Mwenyewe Mfalme Mtukufu wa uweza

55:1

۝١

Arrah'man, Mwingi wa Rehema .

55:2

۝٢

Amefundisha Qur'ani. [2]

Tanbihi

[2] Ninaapa kwa nyota inapo tua kwa kuchwa, ya kwamba Muhammad hakuiacha Njia iliyo sawa ya kufuata Haki, na wala hakupata kuitakidi upotovu.

55:3

۝٣

Amemuumba mwanaadamu!

55:4

۝٤

Akamfundisha kubaini.

55:5

۝٥

Jua na mwezi huenda kwa hisabu.

55:6

۝٦

Na mimea yenye kutambaa, na miti, inanyenyekea.

55:7

۝٧

Na mbingu ameziinua, na ameweka mizani!

55:8

۝٨

Ili msidhulumu katika mizani.

55:9

۝٩

Na wekeni mizani kwa haki, wala msipunje katika mizani.

55:10

۝١٠

Na ardhi ameiweka kwa ajili ya viumbe.

55:11

۝١١

Humo yamo matunda na mitende yenye mafumba.

55:12

۝١٢

Na nafaka zenye makapi, na rehani.

55:13

۝١٣

Basi ni ipi katika neema za Mola wenu Mlezi mnayo ikanusha

55:14

۝١٤

Amemuumba mtu kwa udongo wa kinamo.

55:15

۝١٥

Na akawaumba majini kwa ulimi wa moto.

55:16

۝١٦

Basi ni ipi katika neema za Mola wenu Mlezi mnayo ikanusha.

55:17

۝١٧

Mola Mlezi wa mashariki mbili na wa magharibi mbili.

55:18

۝١٨

Basi ni ipi katika neema za Mola wenu Mlezi mnayo ikanusha?

55:19

۝١٩

Anaziendesha bahari mbili zikutane;

55:20

۝٢٠

Baina yao kipo kizuizi, zisiingiliane.

55:21

۝٢١

Basi ni ipi katika neema za Mola wenu Mlezi mnayo ikanusha?

55:22

۝٢٢

Katika hizo bahari mbili zinatoka lulu na marijani.

55:23

۝٢٣

Basi ni ipi katika neema za Mola wenu Mlezi mnayo ikanusha?

55:24

۝٢٤

Na ni vyake Yeye hivi viendavyo baharini vilivyo undwa kama vilima.

55:25

۝٢٥

Basi ni ipi katika neema za Mola wenu Mlezi mnayo ikanusha?

55:26

۝٢٦

Kila kilioko juu yake kitatoweka.

55:27

۝٢٧

Na atabakia Mwenyewe Mola wako Mlezi Mwenye utukufu na ukarimu.

55:28

۝٢٨

Basi ni ipi katika neema za Mola wenu Mlezi mnayo ikanusha?

55:29

۝٢٩

Vinamwomba Yeye vilivyomo katika mbingu na ardhi. Kila siku Yeye yumo katika mambo.

55:30

۝٣٠

Basi ni ipi katika neema za Mola wenu Mlezi mnayo ikanusha?

55:31

۝٣١

Tutakuhisabuni enyi makundi mawili.

55:32

۝٣٢

Basi ni ipi katika neema za Mola wenu Mlezi mnayo ikanusha?

55:33

۝٣٣

Enyi makundi ya majini na watu! Mkiweza kupenya kwenye mbingu na ardhi, basi penyeni! Hamtapenya ila kwa kupewa madaraka.

55:34

۝٣٤

Basi ni ipi katika neema za Mola wenu Mlezi mnayo ikanusha?

55:35

۝٣٥

Mtapelekewa muwako wa moto na shaba; wala hamtashinda.

55:36

۝٣٦

Basi ni ipi katika neema za Mola wenu Mlezi mnayo ikanusha?

55:37

۝٣٧

Itakapo pasuka mbingu ikawa nyekundu kama mafuta.

55:38

۝٣٨

Basi ni ipi katika neema za Mola wenu Mlezi mnayo ikanusha?

55:39

۝٣٩

Siku hiyo hataulizwa dhambi zake mtu wala jini.

55:40

۝٤٠

Basi ni ipi katika neema za Mola wenu Mlezi mnayo ikanusha?

55:41

۝٤١

Watajuulikana wakosefu kwa alama zao, basi watashikwa kwa nywele zao za utosini na kwa miguu.

55:42

۝٤٢

Basi ni ipi katika neema za Mola wenu Mlezi mnayo ikanusha?

55:43

۝٤٣

Hii ndiyo Jahannamu ambayo wakosefu wakiikanusha.

55:44

۝٤٤

Watakuwa wakizunguka baina ya hiyo na maji ya moto yanayo chemka.

55:45

۝٤٥

Basi ni ipi katika neema za Mola wenu Mlezi mnayo ikanusha?

55:46

۝٤٦

Na mwenye kuogopa kusimamishwa mbele ya Mola wake Mlezi atapata Bustani mbili.

55:47

۝٤٧

Basi ni ipi katika neema za Mola wenu Mlezi mnayo ikanusha?

55:48

۝٤٨

Bustani zenye matawi yaliyo tanda.

55:49

۝٤٩

Basi ni ipi katika neema za Mola wenu Mlezi mnayo ikanusha?

55:50

۝٥٠

Ndani yake zimo chemchem mbili zinazo pita.

55:51

۝٥١

Basi ni ipi katika neema za Mola wenu Mlezi mnayo ikanusha?

55:52

۝٥٢

Humo katika kila matunda zimo namna mbili.

55:53

۝٥٣

Basi ni ipi katika neema za Mola wenu Mlezi mnayo ikanusha?

55:54

۝٥٤

Wawe wameegemea matandiko yenye bit'ana ya hariri nzito; na matunda ya Bustani hizo yapo karibu.

55:55

۝٥٥

Basi ni ipi katika neema za Mola wenu Mlezi mnayo ikanusha?

55:56

۝٥٦

Humo watakuwamo wanawake watulizao macho yao; hajawagusa mtu kabla yao wala jini.

55:57

۝٥٧

Basi ni ipi katika neema za Mola wenu Mlezi mnayo ikanusha?

55:58

۝٥٨

Kama kwamba wao ni yakuti na marijani.

55:59

۝٥٩

Basi ni ipi katika neema za Mola wenu Mlezi mnayo ikanusha.

55:60

۝٦٠

Ati yaweza kuwa malipo ya ihsani ila ihsani?

55:61

۝٦١

Basi ni ipi katika neema za Mola wenu Mlezi mnayo ikanusha?

55:62

۝٦٢

Na zaidi ya hizo zipo Bustani nyengine mbili.

55:63

۝٦٣

Basi ni ipi katika neema za Mola wenu Mlezi mnayo ikanusha?

55:64

۝٦٤

Za kijani kibivu.

55:65

۝٦٥

Basi ni ipi katika neema za Mola wenu Mlezi mnayo ikanusha?

55:66

۝٦٦

Na chemchem mbili zinazo furika.

55:67

۝٦٧

Basi ni ipi katika neema za Mola wenu Mlezi mnayo ikanusha?

55:68

۝٦٨

Imo humo miti ya matunda, na mitende na mikomamanga.

55:69

۝٦٩

Basi ni ipi katika neema za Mola wenu Mlezi mnayo ikanusha?

55:70

۝٧٠

Humo wamo wanawake wema wazuri.

55:71

۝٧١

Basi ni ipi katika neema za Mola wenu Mlezi mnayo ikanusha?

55:72

۝٧٢

Wanawake wazuri wanao tawishwa katika makhema.

55:73

۝٧٣

Basi ni ipi katika neema za Mola wenu Mlezi mnayo ikanusha?

55:74

۝٧٤

Hajawagusa mtu wala jini kabla yao.

55:75

۝٧٥

Basi ni ipi katika neema za Mola wenu Mlezi mnayo ikanusha?

55:76

۝٧٦

Wameegemea juu ya matakia ya kijani na mazulia mazuri.

55:77

۝٧٧

Basi ni ipi katika neema za Mola wenu Mlezi mnayo ikanusha?

55:78

۝٧٨

Limetukuka jina la Mola wako Mlezi Mwenye utukufu na ukarimu.

56:1

۝١

Litakapo tukia hilo Tukio . [1]

Tanbihi

[1] Kitakapo tukia Kiyama

56:2

۝٢

Hapana cha kukanusha kutukia kwake. [2]

Tanbihi

[2] Haitotokea nafsi yoyote ya kukadhibisha.

56:3

۝٣

Literemshalo linyanyualo! [3]

Tanbihi

[3] Kiyama hicho kitawateremsha chini walio waovu, na kitawanyanyua juu walio wema.

56:4

۝٤

Itakapo tikiswa ardhi kwa mtikiso! [4]

Tanbihi

[4] Ardhi itakapo tikiswa, na ikatetemeshwa kwa nguvu.

56:5

۝٥

Na milima itapo sagwasagwa! [5]

Tanbihi

[5] Na milima ikavurugwa teketeke,

56:6

۝٦

Iwe mavumbi yanayo peperushwa! [6]

Tanbihi

[6] Ikawa vumbi la kupeperushwa, Aya hizi tukufu zinaeleza hadi gani vitakuwa vitisho vitavyo uteremkia ulimwengu kitapo fika Kiyama. Na katika vitisho hivyo ni hayo masaibu ya dunia yatakayo athiri ardhi na mat'abaka yake. Kwani hii ardhi tunayo ishi juu ya mgongo wake si yenye kutulia na kukaa sawa kwa utimilivu. Kwani hiyo imeundwa kwa mat'abaka ya majabali yaliyo ingiliana ovyo. Huenda baadhi yao yakateremka yakaachana na mengineyo yaliyo jirani nayo. Na huwa hiyo inayo itwa kupasuka kwa mat'abaka ya ardhi, Geological cleavage kama inavyo tokea katika maeneo kadhaa wa kadhaa. Mpasuko huu ulikuwa na ungali kuwa ndio asili ya chini kabisa ya zilzala, mitetemeko, mikubwa kwa kuathirika na nguvu za kudidimiza na kuvuta zinazo fuatana na mat'abaka ya ardhi yanapo vunjika. Basi mizani ya utulivu ya nguvu hizi inapo geuka kwa kuathirika na mambo mengineyo ya nje huenda zikafunguka nguvu za mtikiso mkubwa ndio ikatokea mitetemeko na mitikisiko ya ardhi, ambayo hubomoa kila kitu kiliopo juu ya ardhi karibu na ilipo anzia hiyo zilzala. Na hapo tena hutokea uharibifu mkubwa mno. Na hayo maelezo ya kisayansi hayageuzi kitu, wala hayako mbali na nadhari ya kidini. Kwani hakika Mwenyezi Mungu Mtukufu huenda akajaalia sababu za maumbile za kawaida zikajumuika kwa njia tusiyo izoea sisi ili zikiingiliana kwa njia ya kutisha ndio sababu ya kuharibika dunia. Hapo maelezo ya kisayansi yanafuatana na Aya zenye kuonya kwa vitisho hivyo vikuu. Na yote hayo yanatokana kwa Mwenyezi Mungu. Na hutokea kwa idhini yake Mwenyezi Mungu kutimiza hukumu yake katika dunia yetu.

56:7

۝٧

Na nyinyi mtakuwa namna tatu: . [7]

Tanbihi

[7] Na mkawa nyote siku hiyo namna tatu kwa mujibu wa vitendo vyenu;

56:8

۝٨

Basi watakuwepo wa kuliani; je, ni wepi wa kuliani? [8]

Tanbihi

[8] Basi watu wa mkono wa kulia, watu wa cheo kilio bora, utukufu ulioje huo wa hali yao!

56:9

۝٩

Na wa kushotoni; je, ni wepi wa kushotoni? [9]

Tanbihi

[9] Na watu wa kushotoni, hao ni watu wa cheo duni, uovu ulioje wa hali yao!

56:10

۝١٠

Na wa mbele watakuwa mbele. [10]

Tanbihi

[10] Na walio tangulia mbele katika mambo ya kheri duniani ndio watakuwa mbele katika vyeo vya Akhera.

56:11

۝١١

Hao ndio watakao karibishwa [11]

Tanbihi

[11] Hao ndio walio karibishwa mbele kwa Mwenyezi Mungu. Mola wao Mlezi atawatia katika Bustani zenye neema.

56:12

۝١٢

Katika Bustani zenye neema. [12]

Tanbihi

[12] Mola wao Mlezi atawatia katika Bustani zenye neema.

56:13

۝١٣

Fungu kubwa katika wa mwanzo, [13]

Tanbihi

[13] Hawa walio karibishwa mbele ni kundi la wengi katika mataifa yaliyo tangulia na Manabii wao,

56:14

۝١٤

Na wachache katika wa mwisho. [14]

Tanbihi

[14] Na wachache katika umma wa Muhammad ukiwalinganisha na hao.

56:15

۝١٥

Watakuwa juu ya viti vya fakhari vilivyo tonewa. [15]

Tanbihi

[15] Juu ya viti au vitanda vilivyo nakishiwa kwa nakshi za vito vya thamani,

56:16

۝١٦

Wakiviegemea wakielekeana. [16]

Tanbihi

[16] wakivitegemea kwa raha na utulivu huku wakielekezana nyuso kwa ziada ya mahaba.

56:17

۝١٧

Wakitumikiwa na wavulana wa ujana wa milele, [17]

Tanbihi

[17] Wakiwazungukia kwa kuwakhudumia vijana watakao baki milele hivyo hivyo,

56:18

۝١٨

Kwa vikombe na mabirika na bilauri za vinywaji kutoka chemchem safi. [18]

Tanbihi

[18] Nao wamechukua vikombe na mabirika yaliyo jaa vinywaji vya Peponi, na bilauri zenye mvinyo kutoka chemchem zinazo miminika,

56:19

۝١٩

Hawataumwa kichwa kwa vinywaji hivyo wala hawatoleweshwa. [19]

Tanbihi

[19] Vinywaji hivyo haviwaletei kuumwa kichwa wala kutokwa akili kwa ulevi.

56:20

۝٢٠

Na matunda wayapendayo, [20]

Tanbihi

[20] Na matunda ya kila namna wanayo yapenda na wanayo yaona;

56:21

۝٢١

Na nyama za ndege kama wanavyo tamani. [21]

Tanbihi

[21] Na nyama za ndege kama zinavyo tamani nafsi zao.

56:22

۝٢٢

Na Mahurulaini, [22]

Tanbihi

[22] Na wanawake wenye macho ya vikombe,

56:23

۝٢٣

Walio kama mfano wa lulu zilio hifadhiwa. [23]

Tanbihi

[23] Kama mfano wa lulu zilio hifadhiwa katika chaza, kwa usafi wao na urembo wao.

56:24

۝٢٤

Ni malipo kwa waliyo kuwa wakiyatenda. [24]

Tanbihi

[24] Watapewa haya kuwa ni malipo kwa mambo mema waliyo kuwa wakiyatenda duniani.

56:25

۝٢٥

Humo hawatasikia porojo wala maneno ya dhambi, [25]

Tanbihi

[25] Huko Peponi hawatasikia maneno yasiyo kuwa na maana, wala masimulizi ya kumtia dhambini mwenye kuyasikia.

56:26

۝٢٦

Isipo kuwa maneno ya Salama, Salama. [26]

Tanbihi

[26] Ila watalo sikia ni kauli ya wao kwa wao: Tunakusalimuni kwa Salama.

56:27

۝٢٧

Na wale wa mkono wa kulia, ni yepi yatakuwa ya wa kuliani? [27]

Tanbihi

[27] Na watu wa mkono wa kulia, hapana ajuaye nini malipo ya watu wa kuliani.

56:28

۝٢٨

Katika mikunazi isiyo na miba, [28]

Tanbihi

[28] Katika miti ya mikunazi iliyo katwa miba yake,

56:29

۝٢٩

Na migomba iliyo pangiliwa, [29]

Tanbihi

[29] Na migomba iliyo pangika na ndizi zake zimepandana juu ya mikungu,

56:30

۝٣٠

Na kivuli kilicho tanda, [30]

Tanbihi

[30] Na kivuli kilicho enea wala hakiondoki,

56:31

۝٣١

Na maji yanayo miminika, [31]

Tanbihi

[31] Na maji yanayo miminika karibu yao popote wayatakapo,

56:32

۝٣٢

Na matunda mengi, [32]

Tanbihi

[32] Na matunda ya namna nyingi na kabila nyingi yasiyo tindikia wakati wowote,

56:33

۝٣٣

Hayatindikii wala hayakatazwi, [33]

Tanbihi

[33] Wala hazuiwiliwi ayatakayo,

56:34

۝٣٤

Na matandiko yaliyo nyanyuliwa. [34]

Tanbihi

[34] Na matandiko yaliyo nyanyuliwa ya starehe.

56:35

۝٣٥

Hakika Sisi tutawaumba (Mahurulaini) upya, [35]

Tanbihi

[35] Hakika Sisi tulianza kuwaumba Mahurulaini mwanzo,

56:36

۝٣٦

Na tutawafanya vijana, [36]

Tanbihi

[36] Na tukawafanya kuwa ni vijana,

56:37

۝٣٧

Wanapendana na waume zao, hirimu moja. [37]

Tanbihi

[37] Wenye kupendwa na waume zao, wenye umri ulio karibiana,

56:38

۝٣٨

Kwa ajili ya watu wa kuliani. [38]

Tanbihi

[38] Wa tayari kwa neema ya watu wa kuliani.

56:39

۝٣٩

Fungu kubwa katika wa mwanzo, [39]

Tanbihi

[39] Watu wa kulia ni wengi katika mataifu yaliyo kwisha tangulia,

56:40

۝٤٠

Na fungu kubwa katika wa mwisho. [40]

Tanbihi

[40] Na kikundi kikubwa katika umma wa Muhammad.

56:41

۝٤١

Na watu wa kushotoni; je ni yepi ya wa kushotoni? [41]

Tanbihi

[41] Na watu wa kushoto, hapana anaye jua nini adhabu ya watu wa kushoto.

56:42

۝٤٢

Katika upepo wa moto, na maji yanayo chemka, [42]

Tanbihi

[42] Watakuwa kwenye upepo umoto utakao wazunguka, unao penya katika tundu za mwili, na maji yaliyo chemshwa motoni wayanywe na wamiminiwe vichwani,

56:43

۝٤٣

Na kivuli cha moshi mweusi, [43]

Tanbihi

[43] Na katika kivuli cha kiza cheusi cha moshi umoto,

56:44

۝٤٤

Si cha kuburudisha wala kustarehesha. [44]

Tanbihi

[44] Hapana ubaridi wa kupunguza joto la hewa, wala huruma ya kuwaletea nafuu wanapo vuta pumzi.

56:45

۝٤٥

Hakika hao walikuwa kabla ya haya wakiishi maisha ya anasa. [45]

Tanbihi

[45] Hakika hao kabla ya haya walikuwa wamepita kiasi katika kustarehea neema za duniani, wamepumbaa hawataki kumt'ii Mwenyezi Mungu Mtukufu.

56:46

۝٤٦

Na walikuwa wakishikilia kufanya madhambi makubwa, [46]

Tanbihi

[46] Na walikuwa wameshikilia daima kufanya dhambi kubwa kabisa, kwani waliapa kwa Mwenyezi Mungu kwamba kabisa Mwenyezi Mungu hatamfufua aliye kufa.

56:47

۝٤٧

Na walikuwa wakisema: Tutakapo kufa na tukawa udongo na mafupa, ati ndio tutafufuliwa? [47]

Tanbihi

[47] Na walikuwa wakisema kwa kukanusha kurejea tena: Ati tutafufuliwa baada ya kwisha kufa, na baadhi ya miili yetu ikisha kuwa udongo na mengine mifupa iliyo chakaa? Ati sisi tutarudishwa tuwe hai mara ya pili?

56:48

۝٤٨

Au baba zetu wa zamani? [48]

Tanbihi

[48] Ati tutafufuliwa sisi na baba zetu wa zamani walio kwisha kuwa udongo ulio tapanyika na umepotea katika ardhi?

56:49

۝٤٩

Sema: Hakika wa zamani na wa mwisho [49]

Tanbihi

[49] Waambie kwa kuwajibu kukanusha kwao: Hakika wa zamani na wa mwisho, ambao nyinyi ni katika jumla ya hao,

56:50

۝٥٠

Bila ya shaka watakusanywa kwa wakati wa siku maalumu. [50]

Tanbihi

[50] Nyote mtakusanywa katika wakati wa siku malumu, na wala hamtoipita.

56:51

۝٥١

Kisha nyinyi, mlio potea, mnao kanusha, [51]

Tanbihi

[51] Kisha nyinyi, enyi mnao ipinga Njia ya Uwongofu, mnao kanusha kufufuliwa,

56:52

۝٥٢

Kwa yakini mtakula mti wa Zaqqumu. [52]

Tanbihi

[52] Bila ya shaka mtakula mti wa Zaqqumu katika Jahannamu, na mtayajaza matumbo yenu kwa shida ya njaa.

56:53

۝٥٣

Na kwa mti huo mtajaza matumbo. [53]

Tanbihi

[53] Na mtayajaza matumbo yenu kwa shida ya njaa.

56:54

۝٥٤

Na juu yake mtakunywa maji yanayo chemka. [54]

Tanbihi

[54] Mtakunywa juu ya mlicho kila maji yenye kutokota, yasiyo ondoa kiu,

56:55

۝٥٥

Tena mtakunywa kama wanavyo kunywa ngamia wenye kiu. [55]

Tanbihi

[55] Na mtakunywa kwa wingi na pupa kama anavyo kunywa ngamia mwenye kiu kisicho katika kiu chake kwa maji.

56:56

۝٥٦

Hiyo ndiyo karamu yao Siku ya Malipo. [56]

Tanbihi

[56] Hayo yaliyo tajwa ya mateso mbali mbali ndio karamu yao waliyo andaliwa kwa siku ya malipo.

56:57

۝٥٧

Sisi tumekuumbeni; basi hamsadiki? [57]

Tanbihi

[57] Sisi tulianza kukuumbeni mlipo kuwa si chochote, basi hebu hamkiri uweza wetu wa kukurejesheni tena baada ya kukufufueni?

56:58

۝٥٨

Je! Mnaiona mbegu ya uzazi mnayo idondokeza? [58]

Tanbihi

[58] Hamuangalii manii mnayo itia katika tumbo la uzazi?

56:59

۝٥٩

Je! Mnaiumba nyinyi, au ni Sisi ndio Waumbaji? [59]

Tanbihi

[59] Ni nyinyi ndio mwenye uweza juu yake na kuilea mpaka ikawa mtu, au ni Sisi ndio twenye makadara hayo?

56:60

۝٦٠

Sisi tumekuwekeeni mauti; na wala Sisi hatushindwi [60]

Tanbihi

[60] Sisi tumekuhukumieni mauti, na tumeweka wakati makhsuri wa kufa kwenu. Na wala Sisi si wenye kushindwa kukubadilisheni sura zenu,

56:61

۝٦١

Kuwaleta wengine badala yenu na kukuumbeni nyinyi kwa umbo msilo lijua. [61]

Tanbihi

[61] Na wala Sisi si wenye kushindwa kukubadilisheni sura zenu, na kuzileta nyengine, na tukakuumbeni katika umbo jengine na sura nyengine msiyo ijua.

56:62

۝٦٢

Na bila ya shaka mlikwisha jua umbo la kwanza, basi kwa nini hamkumbuki? [62]

Tanbihi

[62] Bila ya shaka mmekwisha yakinika kuwa Mwenyezi Mungu alikuumbeni mara ya kwanza, basi je, hamkumbuki kwamba Mwenye kuweza hayo ni Mweza zaidi wa kufanya tena.

56:63

۝٦٣

Je! Mnaona makulima mnayo yapanda? [63]

Tanbihi

[63] Je! Hamuangalii mbegu mnayo ipanda katika ardhi?

56:64

۝٦٤

Je! Ni nyinyi mnayo yaotesha au ni Sisi ndio wenye kuotesha? [64]

Tanbihi

[64] Ni nyinyi mnao ifanya imee au ni Sisi peke yetu ndio tunaifanya imee?

56:65

۝٦٥

Tungeli taka tungeli yafanya yakawa mapepe, mkabaki mnastaajabu, [65]

Tanbihi

[65] Tungeli taka tungeli ifanya mimea hiyo iwe mabua na mapepe yaliyo katika katika kabla haijapevuka, mkawa mkistaajabu tu kwa uovu ulio isibu,

56:66

۝٦٦

Mkisema: Hakika sisi tumegharimika; [66]

Tanbihi

[66] Huku mkisema: Hakika sisi tumepata khasara baada ya juhudi yetu.

56:67

۝٦٧

Bali sisi tumenyimwa. [67]

Tanbihi

[67] Bali sisi hatuna bahati, tumenyimwa riziki.

56:68

۝٦٨

Je! Mnayaona maji mnayo yanywa? [68]

Tanbihi

[68] Je! Hamyaoni maji matamu mnayo yanywa?

56:69

۝٦٩

Je! Ni nyinyi mnayo yateremsha kutoka mawinguni au ni Sisi ndio wenye kuyateremsha? [69]

Tanbihi

[69] Ni nyinyi mnayo yateremsha kutoka mawinguni, au ni Sisi ndio Wenye kuyateremsha kuwa ni rehema juu yenu? Katika Kiarabu limetajwa neno Almuzni. Maana yake ni mawingu yanayo leta mvua. Na kitendo cha kunyesha mvua kinahitajia mambo yaliyo khusiana na hali ya hewa maalumu ambayo mwanaadamu hana mamlaka nayo, au kuyaleta kwa juhudi zake. Kwa mfano zinahitajiwa pepo zinazo kwenda kwa mkondo zilizo baridi juu ya nyengine zilizo za joto, au hali za kuondoka utulivu katika anga. Na watu wamejaribu kuinyesha mvua kwa mawingu yanayo pita kwa njia ya ufundi, lakini juhudi hizo mpaka sasa ni majaribio, na lilio thibiti katika sayansi ni kufuzu kwa majaribio hayo ni kudogo mno, na hata hivyo kunalazimu ziwepo hali maalumu za maumbile zinazo saidia.

56:70

۝٧٠

Tungeli penda tungeli yafanya ya chumvi. Basi mbona hamshukuru? [70]

Tanbihi

[70] Lau tungeli taka tungeli yafanya hayo maji yakawa ya chumvi yasiyo nyweka. Basi mbona hamumshukuru Mwenyezi Mungu aliye yajaalia matamu yenye kunyweka?

56:71

۝٧١

Je! Mnauona moto mnao uwasha? [71]

Tanbihi

[71] Je! Hamuuoni moto huo mnao uasha?

56:72

۝٧٢

Ni nyinyi mlio uumba mti wake au Sisi ndio Waumbaji? [72]

Tanbihi

[72] Ni nyinyi ndio mlio uotesha mti wake, na mkautia ndani ya huo mti moto, au ni Sisi ndio tulio uumbia hivyo, kadhaalika?

56:73

۝٧٣

Sisi tumeufanya uwe ni ukumbusho na manufaa kwa walioko nyikani. [73]

Tanbihi

[73] Sisi tumeufanya huu moto uwe ni ukumbusho wa Moto wa Jahannamu mtapo uona, na uwe ni manufaa kwa wasafiri wa msitu na nyika, wakinafiika kwa kupikia chakula chao na kuotea moto wakati wa baridi.

56:74

۝٧٤

Basi litakase jina la Mola wako Mlezi aliye Mkuu. [74]

Tanbihi

[74] Basi dumisha kusabihi, kutakasa, kwa kulidhukuru jina la Mola wako Mlezi aliye Mkubwa, kwa kumtakasa na kumshukuru kwa neema hizi nzuri.

56:75

۝٧٥

Basi naapa kwa maanguko ya nyota, [75]

Tanbihi

[75] Basi ninaapa kweli kwa maangukio ya nyota pale zinapo tua mwisho wa usiku wakati wa Tahajudi, ibada za usiku, na kustaghafiru.

56:76

۝٧٦

Na hakika bila ya shaka hichi ni kiapo kikubwa, laiti mngeli jua! [76]

Tanbihi

[76] Na hakika bila ya shaka hicho ni kiapo kikubwa chenye maana ya kufikia mbali, lau kuwa mnafikiri makusudio yake. Aya mbili hizi zinabainisha hadi ya umuhimu wa kiapo hichi kikubwa. Kwani nyota ni vitu vyenye kutoa mwangaza wenyewe, na nyota ya karibu mno kwetu sisi, nayo ni jua, ni kiasi ya masafa ya miaka 500 ya mwangaza. Na nyota ifuatayo kwa ukaribu iko mbali nasi kwa kiasi cha miaka 4 ya mwangaza takriban. Basi nguvu tunazo zitumia kutokana na jua ndizo zinazo tuwezesha kuishi. Lau kuwa umbali wa jua kutokana na ardhi ni duni ya hivyo au zaidi ya hivyo basi hapana shaka kuwa maisha yangeli kuwa taabu, bali ni muhali. Kadhaalika ukubwa wa nyota unakhitalifiana. Zipo nyota kubwa mno hata ukubwa wake unaweza kukusanya hii ardhi na jua juu ya umbali wao. Vipo vikundi vya nyota vinavyo itwa A'naqiid vinaogelea angani zikivuka Njia ya Maziwa The Milky Way mara kwa mara. Wakati wa kupita kwake zikasadifiana kukutana na kikundi cha jua na zikagongana basi hakika hapo itakuwa ndio maangamizo na kumalizika kwa kweli. Hata ikikaribia nyota moja katika nyota zitokazo kwenye jua basi hayo pia yataleta kuharibika mizani na kupelekea maangamizo na kumalizika ulimwengu. Kwa hivyo basi hakika Ishara za mazingatio na uweza wa Mwenyezi Mungu zinaonekana katika ulimwengu huu alio uumba Mwenyezi Mungu Subhanahu wa Taala na akaupanga.

56:77

۝٧٧

Hakika hii bila ya shaka ni Qur'ani Tukufu, [77]

Tanbihi

[77] Hakika hii bila ya shaka ni Qur'ani yenye manufaa mengi,

56:78

۝٧٨

Katika Kitabu kilicho hifadhiwa. [78]

Tanbihi

[78] Imo katika ubao ulio hifadhiwa Al-lauhu-lmahfudh, usio karibiwa na yeyote ila Malaika walio karibishwa kwa Mwenyezi Mungu. (Kwa watumiaji Computer wanaweza kukisia kuwa hiyo Al-lauhu-lmahfudh ni kama Disk iliyomo ndani ya Computer na haigusi mtu, na Misahafu tunayo iona, na kuisoma, ni kama yapigwayo chapa kutoka hiyo Disk.)

56:79

۝٧٩

Hapana akigusaye ila walio takaswa. [79]

Tanbihi

[79] Hawaigusi Qur'ani Tukufu ila walio t'ahirika na najisi na hadathi, vitengua udhu;

56:80

۝٨٠

Ni uteremsho unao toka kwa Mola Mlezi wa walimwengu wote. [80]

Tanbihi

[80] imeteremshwa kutoka kwa Mwenyezi Mungu Mola Mlezi wa viumbe vyote.

56:81

۝٨١

Ni maneno haya ndiyo nyinyi mnayapuuza? [81]

Tanbihi

[81] Je! Mnapuuza? Ni Qur'ani hii tukufu ndio nyinyi mnaidharau?

56:82

۝٨٢

Na badala ya kushukuru kwa riziki yenu mnafanya kuwa mnakadhibisha? [82]

Tanbihi

[82] Na badala ya kuishukuru riziki yenu ndio mna ikadhibisha?

56:83

۝٨٣

Yawaje basi itakapo fika roho kwenye koo, [83]

Tanbihi

[83] Basi je! Ikifika roho ya mmoja wenu kwenye mapitio ya pumzi,

56:84

۝٨٤

Na nyinyi wakati huo mnatazama! [84]

Tanbihi

[84] Na nyinyi inapo fika roho kwenye koo nanyi mnamwangalia huyo anaye kufa,

56:85

۝٨٥

Na Sisi tuko karibu zaidi naye kuliko nyinyi. [85]

Tanbihi

[85] Na Sisi tuko karibu zaidi kwa huyo aliye kabiliwa na mauti na tunaijua zaidi hali yake kuliko nyinyi, lakini nyinyi hamjui hayo wala hamhisi.

56:86

۝٨٦

Na lau kuwa nyinyi hamumo katika mamlaka yangu, [86]

Tanbihi

[86] Basi je! Ikiwa nyinyi si wenye kunyenyekea kwa Ungu wetu,

56:87

۝٨٧

Kwanini hamuirudishi hiyo roho, ikiwa nyinyi mnasema kweli? [87]

Tanbihi

[87] Mrudishieni roho yake huyo aliye kabiliwa na mauti ikiwa nyinyi mwasema kweli kwamba nyinyi mnazo nguvu na hamshindwi.

56:88

۝٨٨

Basi akiwa miongoni mwa walio karibishwa, [88]

Tanbihi

[88] Ama akiwa huyo aliye kabiliwa na mauti ni katika walio tangulia walio karibishwa ,

56:89

۝٨٩

Basi ni raha, na manukato, na Bustani zenye neema. [89]

Tanbihi

[89] Basi mwisho wake ni raha, na rehema, na riziki njema, na Pepo yenye neema.

56:90

۝٩٠

Na akiwa katika watu wa upande wa kulia, [90]

Tanbihi

[90] Ama akiwa katika watu wa mkono wa kulia,

56:91

۝٩١

Basi ni Salamu kwako uliye miongoni mwa watu wa upande wa kulia. [91]

Tanbihi

[91] Basi ataambiwa kwa maamkio na takrima: Unapewa salamu kutokana na watu wa kuliani.

56:92

۝٩٢

Na ama akiwa katika walio kadhibisha wapotovu, [92]

Tanbihi

[92] Na ama akiwa ni katika wa kushoto, wanao kanusha, walio wapotovu,

56:93

۝٩٣

Basi karamu yake ni maji yanayo chemka, [93]

Tanbihi

[93] Basi atakirimiwa maji ya moto hadi ya kuchemka,

56:94

۝٩٤

Na kutiwa Motoni. [94]

Tanbihi

[94] Na kubabuliwa na moto wa mwisho wa ukali.

56:95

۝٩٥

Hakika hii ndiyo haki yenye yakini. [95]

Tanbihi

[95] Hakika haya yaliyo tajwa katika Sura hii tukufu bila ya shaka ni kiini cha yakini iliyo thibiti, isiyo ingiliwa na shaka.

56:96

۝٩٦

Basi litakase jina la Mola wako Mlezi aliye Mkubwa. [96]

Tanbihi

[96] Tanguliza tasbihi kwa kumdhukuru Mola wako Mlezi aliye Mkubwa, kwa kumtakasa na kumshukuru kwa neema zake.

57:1

۝١

Kinamsabihi kumtakasa Mwenyezi Mungu kila kiliomo ndani ya mbingu na ardhi. Na Yeye ndiye Mwenye nguvu, Mwenye hikima.

57:2

۝٢

Yeye ndiye Mwenye ufalme wa mbingu na ardhi. Anahuisha na anafisha. Na Yeye ni Mwenye uweza wa kila kitu.

57:3

۝٣

Yeye ndiye wa Mwanzo na ndiye wa Mwisho, naye ndiye wa Dhaahiri na wa Siri, naye ndiye Mjuzi wa kila kitu.

57:4

هُوَ ٱلَّذِى خَلَقَ ٱلسَّمَٰوَٰتِ وَٱلْأَرْضَ فِى سِتَّةِ أَيَّامٍ ثُمَّ ٱسْتَوَىٰ عَلَى ٱلْعَرْشِ ۚ يَعْلَمُ مَا يَلِجُ فِى ٱلْأَرْضِ وَمَا يَخْرُجُ مِنْهَا وَمَا يَنزِلُ مِنَ ٱلسَّمَآءِ وَمَا يَعْرُجُ فِيهَا ۖ وَهُوَ مَعَكُمْ أَيْنَ مَا كُنتُمْ ۚ وَٱللَّهُ بِمَا تَعْمَلُونَ بَصِيرٌ

۝٤

Yeye ndiye aliye ziumba mbingu na ardhi katika siku sita; kisha akakaa vyema juu ya enzi. Anayajua yanayo ingia katika ardhi na yanayo toka humo, na yanayo teremka kutoka mbinguni, na yanayo panda humo. Naye yu pamoja nanyi popote mlipo. Na Mwenyezi Mungu ni Mwenye kuyaona mnayo yatenda.

57:5

۝٥

Ufalme wa mbingu na ardhi ni wake. Na mambo yote yanarejeshwa kwa Mwenyezi Mungu.

57:6

۝٦

Anaingiza usiku katika mchana, na anaingiza mchana katika usiku. Na Yeye ni Mwenye kuyajua yaliomo vifuani.

57:7

۝٧

Muaminini Mwenyezi Mungu na Mtume wake; na toeni katika alivyo kufanyeni nyinyi kuwa ni waangalizi wake. Basi walio amini miongoni mwenu, na wakatoa, wana malipo makubwa.

57:8

۝٨

Na mna nini hata hamumuamini Mwenyezi Mungu na hali Mtume anakuiteni mumuamini Mola wenu Mlezi? Naye amekwisha chukua ahadi yenu, ikiwa nyinyi ni Waumini.

57:9

۝٩

Yeye ndiye anaye mteremshia mja wake Aya zinazo bainisha wazi ili akutoeni gizani muingie kwenye nuru. Na hakika Mwenyezi Mungu kwenu ni Mpole, Mwenye kurehemu.

57:10

وَمَا لَكُمْ أَلَّا تُنفِقُوا۟ فِى سَبِيلِ ٱللَّهِ وَلِلَّهِ مِيرَٰثُ ٱلسَّمَٰوَٰتِ وَٱلْأَرْضِ ۚ لَا يَسْتَوِى مِنكُم مَّنْ أَنفَقَ مِن قَبْلِ ٱلْفَتْحِ وَقَٰتَلَ ۚ أُو۟لَٰٓئِكَ أَعْظَمُ دَرَجَةً مِّنَ ٱلَّذِينَ أَنفَقُوا۟ مِنۢ بَعْدُ وَقَٰتَلُوا۟ ۚ وَكُلًّا وَعَدَ ٱللَّهُ ٱلْحُسْنَىٰ ۚ وَٱللَّهُ بِمَا تَعْمَلُونَ خَبِيرٌ

۝١٠

Na mna nini hata hamtoi katika Njia ya Mwenyezi Mungu, na hali urithi wa mbingu na ardhi ni wa Mwenyezi Mungu? Hawawi sawa miongoni mwenu wenye kutoa kabla ya Ushindi na wakapigana vita. Hao wana daraja kubwa zaidi kuliko wale ambao walio toa baadae na wakapigana. Na wote hao Mwenyezi Mungu amewaahidia wema. Na Mwenyezi Mungu anazo khabari za mnayo yatenda.

57:11

۝١١

Ni nani atakaye mkopesha Mwenyezi Mungu mkopo mwema, ili amrudishie mardufu, na apate malipo ya ukarimu.

57:12

يَوْمَ تَرَى ٱلْمُؤْمِنِينَ وَٱلْمُؤْمِنَٰتِ يَسْعَىٰ نُورُهُم بَيْنَ أَيْدِيهِمْ وَبِأَيْمَٰنِهِم بُشْرَىٰكُمُ ٱلْيَوْمَ جَنَّٰتٌ تَجْرِى مِن تَحْتِهَا ٱلْأَنْهَٰرُ خَٰلِدِينَ فِيهَا ۚ ذَٰلِكَ هُوَ ٱلْفَوْزُ ٱلْعَظِيمُ

۝١٢

Siku utakapo waona Waumini wanaume na Waumini wanawake, nuru yao iko mbele yao, na kuliani kwao: Furaha yenu leo - Bustani zipitazo mito kati yake mtakaa humo milele. Huko ndiko kufuzu kukubwa.

57:13

يَوْمَ يَقُولُ ٱلْمُنَٰفِقُونَ وَٱلْمُنَٰفِقَٰتُ لِلَّذِينَ ءَامَنُوا۟ ٱنظُرُونَا نَقْتَبِسْ مِن نُّورِكُمْ قِيلَ ٱرْجِعُوا۟ وَرَآءَكُمْ فَٱلْتَمِسُوا۟ نُورًا فَضُرِبَ بَيْنَهُم بِسُورٍ لَّهُۥ بَابٌۢ بَاطِنُهُۥ فِيهِ ٱلرَّحْمَةُ وَظَٰهِرُهُۥ مِن قِبَلِهِ ٱلْعَذَابُ

۝١٣

Siku wanaafiki wanaume na wanaafiki wanawake watapo waambia walio amini: Tungojeni ili tupate mwangaza katika nuru yenu. Waambiwe: Rejeeni nyuma yenu mkaitafute nuru! Utiwe baina yao ukuta wenye mlango - ndani yake mna rehema, na nje upande wake wa mbele kuna adhabu.

57:14

يُنَادُونَهُمْ أَلَمْ نَكُن مَّعَكُمْ ۖ قَالُوا۟ بَلَىٰ وَلَٰكِنَّكُمْ فَتَنتُمْ أَنفُسَكُمْ وَتَرَبَّصْتُمْ وَٱرْتَبْتُمْ وَغَرَّتْكُمُ ٱلْأَمَانِىُّ حَتَّىٰ جَآءَ أَمْرُ ٱللَّهِ وَغَرَّكُم بِٱللَّهِ ٱلْغَرُورُ

۝١٤

Watawaita wawaambie: Kwani vile hatukuwa pamoja nanyi? Watawaambia: Ndiyo, lakini mlijifitini wenyewe, na mkasitasita, na mkatia shaka, na matamanio ya nafsi zenu yakakudanganyeni. mpaka ilipo kuja amri ya Mwenyezi Mungu, na mdanganyifu akakudanganyeni msimfuate Mwenyezi Mungu.

57:15

۝١٥

Basi leo haitapokelewa kwenu fidia, wala kwa wale walio kufuru. Makaazi yenu ni Motoni, ndio bora kwenu; na ni marejeo maovu yalioje!

57:16

۞ أَلَمْ يَأْنِ لِلَّذِينَ ءَامَنُوٓا۟ أَن تَخْشَعَ قُلُوبُهُمْ لِذِكْرِ ٱللَّهِ وَمَا نَزَلَ مِنَ ٱلْحَقِّ وَلَا يَكُونُوا۟ كَٱلَّذِينَ أُوتُوا۟ ٱلْكِتَٰبَ مِن قَبْلُ فَطَالَ عَلَيْهِمُ ٱلْأَمَدُ فَقَسَتْ قُلُوبُهُمْ ۖ وَكَثِيرٌ مِّنْهُمْ فَٰسِقُونَ

۝١٦

Je! Wakati haujafika bado kwa walio amini zikanyenyekea nyoyo zao kwa kumkumbuka Mwenyezi Mungu na haki iliyo teremka? Wala wasiwe kama walio pewa Kitabu kabla yao, muda wao ukawa mrefu, kwa hivyo nyoyo zao zikawa ngumu, na wengi wao wakawa wapotovu.

57:17

۝١٧

Jueni kwamba Mwenyezi Mungu huifufua ardhi baada ya kufa kwake. Tumekubainishieni Ishara ili mpate kuzingatia.

57:18

۝١٨

Kwa hakika wanaume wanao toa sadaka, na wanawake wanao toa sadaka, na wakamkopesha Mwenyezi Mungu mkopo mwema, watazidishiwa mardufu na watapata malipo ya ukarimu.

57:19

وَٱلَّذِينَ ءَامَنُوا۟ بِٱللَّهِ وَرُسُلِهِۦٓ أُو۟لَٰٓئِكَ هُمُ ٱلصِّدِّيقُونَ ۖ وَٱلشُّهَدَآءُ عِندَ رَبِّهِمْ لَهُمْ أَجْرُهُمْ وَنُورُهُمْ ۖ وَٱلَّذِينَ كَفَرُوا۟ وَكَذَّبُوا۟ بِـَٔايَٰتِنَآ أُو۟لَٰٓئِكَ أَصْحَٰبُ ٱلْجَحِيمِ

۝١٩

Na walio muamini Mwenyezi Mungu na Mitume wake, hao ndio Masidiqi na Mashahidi mbele ya Mola wao Mlezi. Wao watapata malipo yao na nuru yao. Na walio kufuru na wakakadhibisha Ishara zetu, hao ndio watu wa Motoni.

57:20

ٱعْلَمُوٓا۟ أَنَّمَا ٱلْحَيَوٰةُ ٱلدُّنْيَا لَعِبٌ وَلَهْوٌ وَزِينَةٌ وَتَفَاخُرٌۢ بَيْنَكُمْ وَتَكَاثُرٌ فِى ٱلْأَمْوَٰلِ وَٱلْأَوْلَٰدِ ۖ كَمَثَلِ غَيْثٍ أَعْجَبَ ٱلْكُفَّارَ نَبَاتُهُۥ ثُمَّ يَهِيجُ فَتَرَىٰهُ مُصْفَرًّا ثُمَّ يَكُونُ حُطَٰمًا ۖ وَفِى ٱلْـَٔاخِرَةِ عَذَابٌ شَدِيدٌ وَمَغْفِرَةٌ مِّنَ ٱللَّهِ وَرِضْوَٰنٌ ۚ وَمَا ٱلْحَيَوٰةُ ٱلدُّنْيَآ إِلَّا مَتَٰعُ ٱلْغُرُورِ

۝٢٠

Jueni ya kwamba maisha ya dunia ni mchezo, na pumbao, na pambo, na kujifakhirisha baina yenu na kushindana kwa wingi wa mali na watoto. Mfano wake ni kama mvua ambayo huwafurahisha wakulima mimea yake, kisha hunyauka ukayaona yamepiga manjano kisha yakawa mabua. Na akhera kuna adhabu kali na maghfira kutoka kwa Mwenyezi Mungu na radhi. Na maisha ya dunia si chochote ila ni starehe ya udanganyifu.

57:21

سَابِقُوٓا۟ إِلَىٰ مَغْفِرَةٍ مِّن رَّبِّكُمْ وَجَنَّةٍ عَرْضُهَا كَعَرْضِ ٱلسَّمَآءِ وَٱلْأَرْضِ أُعِدَّتْ لِلَّذِينَ ءَامَنُوا۟ بِٱللَّهِ وَرُسُلِهِۦ ۚ ذَٰلِكَ فَضْلُ ٱللَّهِ يُؤْتِيهِ مَن يَشَآءُ ۚ وَٱللَّهُ ذُو ٱلْفَضْلِ ٱلْعَظِيمِ

۝٢١

Kimbilieni msamaha wa Mola wenu Mlezi, na Pepo ambayo upana wake ni kama upana wa mbingu na ardhi, iliyo wekewa walio muamini Mwenyezi Mungu na Mitume wake. Hiyo ndiyo fadhila ya Mwenyezi Mungu, humpa amtakaye. Na Mwenyezi Mungu ni Mwenye fadhila kuu.

57:22

۝٢٢

Hautokei msiba katika ardhi wala katika nafsi zenu ila umekwisha andikwa katika Kitabu kabla hatujauumba. Hakika hayo kwa Mwenyezi Mungu ni mepesi.

57:23

۝٢٣

Ili msihuzunike kwa kilicho kupoteeni, wala msijitape kwa alicho kupeni. Na Mwenyezi Mungu hampendi kila anaye jivuna akajifakhirisha.

57:24

۝٢٤

Ambao wanafanya ubakhili, na wanaamrisha watu wafanye ubakhili. Na anaye geuka, basi Mwenyezi Mungu ni Mwenye kujitosha, Msifiwa.

57:25

لَقَدْ أَرْسَلْنَا رُسُلَنَا بِٱلْبَيِّنَٰتِ وَأَنزَلْنَا مَعَهُمُ ٱلْكِتَٰبَ وَٱلْمِيزَانَ لِيَقُومَ ٱلنَّاسُ بِٱلْقِسْطِ ۖ وَأَنزَلْنَا ٱلْحَدِيدَ فِيهِ بَأْسٌ شَدِيدٌ وَمَنَٰفِعُ لِلنَّاسِ وَلِيَعْلَمَ ٱللَّهُ مَن يَنصُرُهُۥ وَرُسُلَهُۥ بِٱلْغَيْبِ ۚ إِنَّ ٱللَّهَ قَوِىٌّ عَزِيزٌ

۝٢٥

Kwa hakika tuliwatuma Mitume wetu kwa dalili waziwazi, na tukateremsha Kitabu pamoja nao na Mizani, ili watu wasimamie uadilifu, na tumeteremsha chuma chenye nguvu nyingi na manufaa kwa watu, na ili Mwenyezi Mungu amjue anaye mnusuru Yeye na Mitume wake kwa ghaibu. Hakika Mwenyezi Mungu ni Mwenye nguvu Mwenye kushinda.

57:26

۝٢٦

Na bila ya shaka tulimtuma Nuhu na Ibrahim, na tukaweka katika dhuriya zao Unabii na Kitabu. Basi wapo miongoni mwao walio ongoka, na wengi katika wao ni wapotovu.

57:27

ثُمَّ قَفَّيْنَا عَلَىٰٓ ءَاثَٰرِهِم بِرُسُلِنَا وَقَفَّيْنَا بِعِيسَى ٱبْنِ مَرْيَمَ وَءَاتَيْنَٰهُ ٱلْإِنجِيلَ وَجَعَلْنَا فِى قُلُوبِ ٱلَّذِينَ ٱتَّبَعُوهُ رَأْفَةً وَرَحْمَةً وَرَهْبَانِيَّةً ٱبْتَدَعُوهَا مَا كَتَبْنَٰهَا عَلَيْهِمْ إِلَّا ٱبْتِغَآءَ رِضْوَٰنِ ٱللَّهِ فَمَا رَعَوْهَا حَقَّ رِعَايَتِهَا ۖ فَـَٔاتَيْنَا ٱلَّذِينَ ءَامَنُوا۟ مِنْهُمْ أَجْرَهُمْ ۖ وَكَثِيرٌ مِّنْهُمْ فَٰسِقُونَ

۝٢٧

Tena tukafuatisha nyuma yao Mitume wengine, na tukamfuatisha Isa bin Mariamu, na tukampa Injili. Na tukajaalia katika nyoyo za walio mfuata upole na rehema. Na umonaki (utawa wa mapadri) wameuzua wao. Sisi hatukuwaandikia hayo, ila kutafuta radhi za Mwenyezi Mungu. Lakini hawakuufuata inavyo takiwa kuufuata. Basi wale walio amini katika wao tuliwapa ujira wao. Na wengi wao ni wapotovu.

57:28

۝٢٨

Enyi mlio amini! Mcheni Mwenyezi Mungu, na muaminini Mtume wake, atakupeni sehemu mbili katika rehema yake, na atakujaalieni muwe na nuru ya kwenda nayo. Na atakusameheni. Na Mwenyezi Mungu ni Mwenye kusamehe, Mwenye kurehemu.

57:29

۝٢٩

Ili watu wa Kitabu wajue kwamba wao hawana uweza wowote juu ya fadhila za Mwenyezi Mungu. Na fadhila zote zimo mikononi mwa Mwenyezi Mungu. Humpa amtakaye. Na Mwenyezi Mungu ndiye Mwenye fadhila kuu.

Sura At-Tur

Sura An-Najm

Sura Al-Qamar

Sura Ar-Rahmaan

Sura Al-Waaqia

Sura Al-Hadid